Qaysi yangi yil taomlari zararli

© Sputnik / Aleksey KudenkoSalat olivye
Salat olivye - Sputnik O‘zbekiston, 1920, 31.12.2021
Obuna bo‘lish
Odatda Yangi yil dasturxoni to‘kin, mazali va kaloriyali taomlarga boy bo‘ladi. Ammo, ba’zi taomlar organizm uchun zararli. Qaysi taomlar xavfli va qanday qilib organizmni yangi yil kuni “avaylash” kerak - bu borada gastroenterolog tavsiya berdi.
Yangi yil dasturxonidagi qanday taomlar hazm qilishga kuchli ta’sir qilishi mumkin? Gastroeterolog, diyetolog, tibbiyot fanlari nomzodi Irina Berejnaya bu haqda RT ga bergan intervyusida ma’lum qildi.
Shifokorning fikricha, Yangi yil dasturxonidagi xavfli taomlar - bu tarkibida ko‘p miqdorda yog‘li qo‘shimchalar bo‘lgan salatlardir.
“Tarkibida mayonez bo‘lgan taomlar organizm uchun foydali emas. Biz sevib iste’mol qiladigan olivye salati ham organizm uchun yetarlicha xavfli, hazmi og‘ir taomlar sirasiga kiradi” – deydi Berejnaya.
Oshqozon, jigar faoliyatiga nafaqat salatlar, balki mayonez, pishloq, yong‘oq qo‘shilgan har qanday taom yomon ta’sir qilishi mumkin. Qovurilgan go‘sht esa organizmni batamom “qiynab qo‘yadi”.
Gastroenterolog tarkibida hazmi yengil mahsulotlar bo‘lgan salatlar, gazaklarni iste’mol qilishni tavsiya qildi. “Og‘ir” taomlarni esa Yangi yilning birinchi kunlari iste’mol qilgan ma’qul.
“Agar shunday qilsak, organizmga ancha foydali va xavfsiz bo‘ladi. Kam miqdorda taom iste’mol qilsak, organizm ko‘tara oladi. Shuni yodda tutish kerakki, odatda tungi soat 12 dan so‘ng ovqatlanishni boshlaymiz va deyarli jismoniy harakat qilmaymiz”- deya xulosa qildi gastroenterolog.
Yangiliklar lentasi
0