Hodisalar

Denovdagi portlashga nima sabab boʻlgan – video

© Sputnik / Natalya Seliverstova / Fotobankka oʻtishTusheniye pojara
Tusheniye pojara - Sputnik Oʻzbekiston, 1920, 08.12.2021
FVV Davlat yongʻin nazoratini tashkil etish boshqarmasi boshligʻi Portlashning taxmin qilinayotgan sababini aytdi.
TOSHKENT, 8 dek – Sputnik. FVV Davlat yongʻin nazoratini tashkil etish boshqarmasi boshligʻi Oʻlmas Muzaffarov Denovdagi portlashning sababini maʼlum qildi.

“Portlashning taxmin qilinayotgan sababi bu — savdo majmuasida gaz asbob-uskunalaridan foydalanish qoidalarining buzilishi oqibatida toʻplangan gaz-havo aralashmasining chaqnashi. Xavotirga oʻrin yoʻq. Hozirgi vaqtdagi asosiy taxminga koʻra, savdo majmuasi ichidagi gaz asbob-uskunalaridan foydalanish qoidalari buzilish oqibatida gaz-havo aralashmasi hosil boʻlganligi va portlash aralashmaning chaqnashi oqibatida yuz bergan”, — deydi Oʻlmas Muzaffarov.

Uning qoʻshimcha qilishicha, savdo majmuasi atrofidagi bir nechta aholi xonadonlari va ijtimoiy soha obʼyektlari binolariga, maishiy xizmat koʻrsatish shoxobchalariga ziyon yetgan.
Hozirda baxtsiz hodisaning oqibatlarini bartaraf etish borasida FVV, IIO, Milliy gvardiya va tegishli idora va tashkilotlarning xodimlaridan iborat ishchi guruhlar ishlarni amalga oshirmoqda.
Eslatib oʻtamiz, Denovdagi ikki qavatli savdo majmuasidagi portlash oqibatida toʻqqiz kishi jarohat olgan va vayronalar ostidan ikki kishining jasadi topilgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala