Dunyoda

Rossiya va Xitoy liderlari qanday masalalarni muhokama qildi

© POOL / Fotobankka oʻtishPeregovorы prezidenta RF V. Putina s predsedatelem KNR Si Tszinpinom
Peregovorы prezidenta RF V. Putina s predsedatelem KNR Si Tszinpinom - Sputnik Oʻzbekiston, 1920, 15.12.2021
Putin Si Tszinpin bilan videoaloqa orqali muloqot qildi.
TOSHKENT, 15 dek — Sputnik. Rossiya va Xitoy yetakchilarining suhbati 1,5 soat davom etdi, dedi prezident yordamchisi Yuriy Ushakov.
Putin va Si Tszinpin ikki tomonlama munosabatlar va xalqaro kun tartibiga toʻxtaldi. Tomonlar fevral oyida uchrashuv oʻtkazish va Xitoyda oʻtkaziladigan Qishki Olimpiya oʻyinlarining ochilish marosimida birgalikda ishtirok etishdan umidvor ekanliklarini bildirdi.
Shundan soʻng muzokaralar yopiq eshiklar ortida davom etdi.
“Asosiysi, suhbat juda samarali boʻldi, bu ikki hamkasb, ikki doʻst, ikki buyuk doʻstona davlatlarining rahbarlari oʻrtasidagi suhbat”, — dedi Ushakov jurnalistlarga.
Uning soʻzlariga koʻra, Moskva Pekinni AQSH va NATO bilan Rossiya uchun xavfsizlik kafolatlari boʻyicha muzokaralarning borishi haqida xabardor qiladi.
Xitoy Rossiyaning AQSH va NATOga xavfsizlik kafolatlari boʻyicha qoʻygan talablarini qoʻllab-quvvatlaydi.
Savdo operatsiyalari uchun boshqa davlatlar taʼsirida boʻlmaydigan mustaqil moliyaviy tuzilma yaratishga kelishib olindi.
AQSH tomonidan tashkil etilgan "Demokratiya sammiti" ham muhokama qilindi – u qarama-qarshi va yangi boʻlinish chiziqlarini joriy qiladi.

COVID-19ga qarshi kurash

Davlat rahbarlari koronavirus pandemiyasiga qarshi kurashda tegishli idoralar oʻrtasidagi hamkorlikni kuchaytirishga kelishib oldilar.
“Rossiyaning “Sputnik V” va Sputnik Layt” vaktsinalarini Xitoyda ishlab chiqarishni tashkil etish muhimligi qayd etildi”, — dedi Ushakov.
Gap yiliga 150 milliondan ortiq doza chiqarish haqida ketmoqda, dedi u.

AUKUS bloki

Yana bir mavzu AUKUS blokining (AQSH, Buyuk Britaniya, Avstraliya) tashkil etilishi boʻldi, bu esa, yetakchilarning fikricha, yadro muvozanatini buzadi va Osiyo-Tinch okeani mintaqasida keskinlikni oshirib yuboradi.
"Amerikaliklarning Osiyo-Tinch okeani mintaqasidagi mavjud vaziyatni qayta qurishdagi faolligidan xavotir bildirildi. Va shu munosabat bilan, biz tomondan ham, Xitoy tomonidan ham Hind-Tinch okeani Quad va Amerika-Angliya-Avstraliya ittifoqi AUKUS kabi yangi ittifoqlarning yaratilishiga salbiy baho berildi", - tushuntirdi yordamchi.

NATO atrofidagi vaziyat

Putin Si Tszinpinga amerikalik hamkasbi Jo Bayden bilan boʻlgan muzokaralar haqida maʼlumot berdi. XXR raisi Rossiyaning NATO kuchlari toʻplanishi munosabati bilan gʻarbiy chegaralarda xavfsizlik kafolatlari boʻyicha talablarini qoʻllab-quvvatladi.
Rossiya prezidenti va rais “Sibir kuchi-2” gaz quvuri orqali yoqilgʻi yetkazib berish masalasiga ham toʻxtalib oʻtdi, dedi Ushakov.
Bundan oldingi sammit ham onlayn tarzda oʻtkazilgan edi. U 28 iyun kuni boʻlib oʻtdi va Rossiya-Xitoy yaxshi qoʻshnichilik, doʻstlik va hamkorlik toʻgʻrisidagi shartnoma imzolanganining 20 yilligiga toʻgʻri keldi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala