Jamiyat

Is gazidan zaharlanish va yongʻinlarning asosiy sababi maʼlum boʻldi

© Sputnikkomnata imtiruyuщaya pojar pri pomoщi 3d-trenajera
komnata imtiruyuщaya pojar pri pomoщi 3d-trenajera - Sputnik Oʻzbekiston, 1920, 16.12.2021
Ushbu yilda Oʻzbekistonda is gazidan zaharlanish hamda havo-gaz aralashmasi chaqnashi oqibatida 125 kishi vafot etgan.
TOSHKENT, 16 dek - Sputnik. Oʻzbekistonda soʻnggi vaqtlarda is gazidan zaharlanish, isitish moslamalaridan notoʻgʻri foydalanish oqibatida yongʻin va boshqa baxtsiz hodisalar kelib chiqishi haqida koʻplab xabarlar paydo boʻlmoqda.
“Hududgazta’minot” AJ xabariga koʻra, 2021 yil 15 dekabrga qadarOʻzbekistonda is gazidan zaharlanish hamda havo-gaz aralashmasi chaqnashi tufayli 125 kishi vafot etgan, 115 kishi jabrlangan.
Tahlillarga koʻra, is gazidan zaharlanish holatlarining aksariyati quyidagi sabablarga koʻra yuzaga kelmoqda:
fuqarolar tomonidan gaz va muqobil yoqilgʻi (koʻmir, oʻtin va boshqa) turlaridan foydalanishda xavfsizlik choralariga rioya etmaslik;
nostandart (qoʻlbola yasalgan) yoki sertifikatga ega boʻlmagan isitish pechlari va anjomlaridan foydalanish;isitish pechlarining dudburonlarini notoʻgʻri oʻrnatish;
gaz yoki boshqa muqobil yoqilgʻiga moslashtirilgan isitish pechlari (anjomlari)ni dam olish (uxlash) xonalariga olib kirish;
havo almashmaydigan xonalarni isitishda ochiq olov (koʻmir va oʻtin choʻgʻlari)dan foydalanish;
havoni almashtiruvchi shamollatish shaxtalari yoki tuynuklarni berkitib (toʻsib) qoʻyish shular jumlasidan.
Shuningdek, yongʻin va texnika xavfsizligi qoidalariga amal qilmaslik oqibatida ham koʻplab baxtsiz hodisalar sodir boʻlmoqda, - deyilgan xabarda.
Mutaxassislar xulosasiga koʻra, Respublikada sodir boʻlayotgan jami yongʻinlarning 36,3% elektr uskunalaridan foydalanish qoidalarining buzilishi, 27,1% ochiq olovdan ehtiyotsizlik bilan foydalanish, 13,6% isitish pechlarini qurish va ishlatish qoidalarining buzilishi, 9,9% bolalar shoʻxligi oqibatida va 3% gaz jihozlaridan foydalanish qoidalarining buzilishi oqibatida sodir boʻlgan.
Favqulodda vaziyat yuz berganda, “104” raqami orqali gaz xizmatiga yoki “101” telefon raqami orqali yongʻin-qutqaruv xizmatiga xabar bering.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala