Jamiyat

"Omikron” biz oʻylagandan koʻra xavfliroq boʻlishi mumkin - JSST

Shtamm omikron - Sputnik Oʻzbekiston, 1920, 16.12.2021
Jahon olimlari xulosasiga koʻra, "Omikron" shtammi hali toʻliq oʻrganilmagan va u koronavirusning boshqa shtammlaridan koʻra xavfliroq boʻlishi mumkin.
TOSHKENT, 16 dek - Sputnik. "Omikron” shtammi biz oʻylagandan koʻra xavfliroq boʻlishi mumkin, deb JSST bayonotidan iqtibos keltirmoqda Oʻzbekiston SSV.
Xabarda aytilishiga koʻra, "omikron"ning insoniyat hali bilmaydigan xavfli xususiyatlari boʻlishi mumkin.
Hozirgacha "Omikron" shtammi haqida aniqlangan faktlar quyidagilardir:
"Omikron"ning xavfli jihatlari hali yetarlicha oʻrganilmagani va baholanmaganin. Shu bois u biz oʻylagandan koʻra xavfliroq boʻlib chiqishi mumkin - JSST.
"Omikron" juda tez surʼatda tarqalmoqda. Bugungi kunda ushbu shtamm aniqlangan mamlaktlar soni 77taga yetgan. Kasallanishlar soni keskin koʻpayishi bilan shifoxonalarda oʻrin-joylar yetmay qolishi xavfi bor - JSST.
“Omikron”ni faqat koronavirusga qarshi vaktsinalar bilangina toʻxtatib qololmaymiz. Boshqa ehtiyot choralarini ham kuchaytirishimiz shart. Jumladan, tibbiy niqob taqish, ijtimoiy masofani saqlash, bino va xonalarni tez-tez shamollatib turish, shaxsiy gigiyena qoidalariga qatʼiy amal qilish zarur - JSST, T. Gebreyesus.
“Omikron” va “delta” shtammlari bir vaqtning oʻzida yuqib, inson tanasi hujayralariga kirgach, yangi, yanada xavfli virus turi paydo boʻlishiga olib kelishi mumkin. "Omikron" koronavirusning yengilroq shtammi, deb oʻylash xatodir - “Moderna” kompaniyasining bosh tibbiyot mutaxassisi Pol Burton.
“Omikron” hozir bizga maʼlum boʻlganidan ham xavfliroq boʻlishi mumkin - Yoxannesburgdagi Vitvatersranda universiteti tadqiqotchisi Shabir Madhi.
“Delta” bilan kasallangan har bir bemor bu virusni oʻrtacha 0,8 kishiga yuqtirgan boʻlsa, “Omikron”ga chalingan kishi 3-3,5 kishiga yuqtirishi mumkin - Rossiya bosh vaziri oʻrinbosari Tatyana Golikova.
“Omikron” bronxlarda “delta”ga qaraganda 70 marta tezroq koʻpayadi - xitoylik olimlar oʻtkazgan tadqiqot natijasida aniqlandi.
Eslatib oʻtamiz, Xitoyning Anhui Zhifei Longcom Biopharmaceutical kompaniyasi oʻtkazgan laboratoriya sinovlariga koʻra, kompaniyaning rekombinant vaktsinasi koronavirusning "omikron" shtammiga qarshi "yuqori samarador" deb topilgan.
Shuningdek , ZF-UZ-VAC 2001 vaktsinasi oʻlimdan - 100%, "delta-shtamm"dan - 80% darajasida samaradorlik namoyish qilgan.

"Omikron" shtammi

Ilk bor 11 noyabr kuni Botsvanada aniqlangan "omikron" shtmmi undan soʻng JARda,keyin Gonkong va boshqa davlatlarga tez tarqalib ketgan edi. Bugungi kunda "omikron" shtammi dunyoning 63 mamlakatida aniqlangan.
Hozirga qadar oʻtkazilgan izlanishlar natijasida omikron shtammining oʻta yuqumliligi, koronavirusning boshqa shtammlaridan ustun kelishi aniqlangan. Masalan JARda "omikron" paydo boʻlganidan soʻng bir oy ichida "delta" shtammni siqib chiqargan.
Rossiyalik virusologlarning dastlabki xulosasiga koʻra "omikron" shtammi "tabiiy vaktsina" boʻlishi mumkin. Chunki koronavirusning ushbu shtammi bilan kasallanganlarda kasallikning ogʻir kechishi yoki oʻlim holatlari juda kam uchraydi. Lekin "omikron"ga chalinib keyin tuzalganlarda koronavirusning boshqa shtammlariga qarshi immunitet paydo boʻladi, deb xabar qilishgan edi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala