Jamiyat

Qondagi qand miqdorini kamaytirib yurish uchun nimalarga ahamiyat berish lozim

© Depositphotos / KruchenkovaChelovek s glyukometrom izmeryayet saxar v krovi
Chelovek s glyukometrom izmeryayet saxar v krovi - Sputnik Oʻzbekiston, 1920, 19.12.2021
Shifokor: qondagi qand miqdorini doimiy tarzda kamaytirib yurish uchun sogʻlom turmush tarziga rioya qilish darkor.
TOSHKENT, 19 dek — Sputnik. Respublika ixtisoslashtirilgan endokrinologiya ilmiy-amaliy tibbiyot markazi diabetologiya boʻlimi shifokori, tibbiyot fanlari nomzodi Feruza Tohirova qondagi qand miqdorini doimiy tarzda kamaytirib yurish uchun nimalarga ahamiyat berish lozim haqida maʼlumot berdi.
“Qondagi qand miqdorini doimiy tarzda kamaytirib yurish uchun sogʻlom turmush tarziga rioya qilish – toʻgʻri ovqatlanish, serharakat boʻlish, shifokor nazoratida boʻlib, dori vositalarni muntazam qabul qilish tavsiya etiladi”, - deydi mutaxassis.
Kundalik ratsiondan yengil singuvchi uglevod saqlovchi mahsulotlar (shakar, asal, shirin konditer mahsulotlari, murabbo, shirin va gazli va sunʼiy boʻyoqli ichimliklar) chiqarib tashlanishi kerak.
Shuningdek, notoʻgʻri ovqatlanish, kamharakatlilik oqibatida kelib chiqadigan ortiqcha vazn qandli diabetning asosiy sababchisidir. Boisi kasallikning 2-turi rivojlanishiga inson tanasida mushak toʻqimasining kamayib, yogʻ toʻqimasining koʻpayishi hisoblanadi. Ammo xastalik semiz boʻlmagan insonlarda ham rivojlanishi mumkin.
Taʼkidlanishicha, kasallikning dastlabki belgilari kuzatilgandayoq shifokorga murojaat qilish lozim. Har bir kishi oʻzining tanasi vaznini nazorat qilib borishi, uning meʼyoriy koʻrsatkichlardan oshib ketishiga yoʻl qoʻymasligi talab etiladi.
Agar insonda diabetga moyillik boʻlsa va u kuchli qoʻrquvni boshdan kechirsa, bu insonda kasallikka chalinish ehtimoli bor.
Surunkali davom etuvchi stress holatlari, uyqusizlik, gipertoniya kasalligi hamda qandli diabet 2-turiga moyil boʻlganlarda ayrim dori preparatlarini muntazam qoʻllanishi (ayniqsa, glyukokortikoid guruhiga kiruvchi) ushbu kasallikning rivojlanishiga sabab boʻlishi mumkin.
Meʼyordan ortiq ovqat isteʼmol qilish va energiyani sarf qilmaslik natijasida organizmda energiya balansi buziladi. Odatdagidek sarf boʻlmayotgan energiya organizmda glikogen va yogʻlar koʻrinishida toʻplanib boradi.
Tohirova bu jarayon kuchayib borgani sari organizmda insulinga sezuvchanlik kamayib borishi va bu holat uglevodlar almashinuvining buzilishiga olib kelishini qayd etdi.
Yaʼni qandli diabet 2-turining paydo boʻlishi ijtimoiy holatga emas, balki kamharakatlik, nosogʻlom va ortiqcha ovqatlanishga bogʻliq.
Mavzuga oid:
Qandli diabetga chalingan bolalar qanday parhez qilishi kerak
Shifokor qandli diabetga qarshi kurashning asosiy qoidalarini sanab oʻtdi
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala