Hodisalar

Samarqanddagi oshxonada roʻy bergan portlashda oʻn kishi jarohatlandi

Ogon - Sputnik Oʻzbekiston, 1920, 19.12.2021
Oqdaryo tumanidagi “Lazzat” oshxonasida portlash sodir boʻldi. Buning oqibatida oshxonaning taxminan 40 kv.m. maydonida shift qismi va jihozlar yongan.
TOSHKENT, 19 dek — Sputnik. Samarqand viloyati Oqdaryo tumanidagi “Lazzat” oshxonasida portlash sodir boʻldi. Bu haqda Favqulodda vaziyatlar vazirligi (FVV) matbuot xizmati xabar bermoqda.
Chaqnash 19 dekabr kuni soat 14:20 da sodir boʻlgan. Voqea joyida 2 ta propan gaz balloni boʻlgani aytilmoqda.
Buning oqibatida oshxonaning taxminan 40 kv.m. maydonida shift qismi va jihozlar yongan.
Birlamchi maʼlumotga koʻra, 10 nafar fuqaro tan jarohati olib, tuman shifoxonasiga olib borilgan.
"Indenim" savdo markazi nima sababdan portlagani aniq boʻldi
Yongʻin-qutqaruv ekipaji soat 14:23 da hodisa joyiga yetib borib, 14:29 da yongʻin qurshab olingan. Soat 14:54 da esa oʻchirilgan.
Voqea joyiga viloyat hamda tuman FV boʻlimi rahbar xodimlari, IIB, prokuratura, tibbiyot, gaz xizmatlari xodimlari va 2 ta yongʻin-qutqaruv ekipaji jalb etilgan.
Dastlabki tergovoldi surishtiruv ishlari olib borilmoqda.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala