Jamiyat

Bu yil maktablarda Yangi yilni nishonlash mumkinmi

© Sputnik / Maksim Bogodvid / Fotobankka oʻtishNovogodnyaya illyuminatsiya
Novogodnyaya illyuminatsiya - Sputnik Oʻzbekiston, 1920, 20.12.2021
Istisno tariqasida faqat boshlangʻich sinf oʻquvchilariga oʻz sinf xonalarida bayram tadbirlarini oʻtkazishga ruxsat berilgan.
TOSHKENT, 20 dek – Sputnik. Joriy yilda umumtaʼlim maktablari oʻquvchilari ishtirokida taʼlim muassasalari hududida Yangi yil bayramini rejalashtirish va oʻtkazish mumkin emas. Bu haqda Xalq taʼlimi vazirligi (XTV) matbuot xizmati xabar bermoqda.
Bu borada Respublika maxsus komissiyasining yigʻilish bayoni hamda vazirlikning tegishli buyrugʻi chiqarilgan.
Vazirlik tomonidan maktablarda Yangi yil bayramini nishonlash bilan bogʻliq quyidagi holatlar taqiqlangan:
yuqori sinf oʻquvchilari ishtirokida Yangi yil bayramini nishonlash bilan bogʻliq har qanday tadbirlarni rejalashtirish va oʻtkazish;
bayram bilan bogʻliq tadbirlarni oʻtkazish maqsadida ota-onalardan turli xil noqonuniy pul yigʻimlarini amalga oshirish;
maktab foyesi va sinf xonalarini sunʼiy archa va elektr chiroqlar bilan bezatish (oʻquvchilar qoʻl mehnati bilan yasalgan turli bezaklar bundan mustasno).
Istisno tariqasida boshlangʻich sinf oʻquvchilariga oʻz sinf xonalarida bayram tadbirlarini oʻtkazish hamda maktab hovlisida yangi yil archasini bezatishga ruxsat beriladi. Unda ota-onalar karantin qoidalariga rioya etgan holda ishtirok etishi mumkin.
Eslatib oʻtamiz, Respublika maxsus komissiyasi oʻzbekistonliklarga Yangi yil bayramini oila davrasida nishonlash tavsiya etgan edi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala