Jamiyat

Maktablarda Yangi yil bayramini nishonlashga hech qanday cheklovlar yoʻq – XTV

© Sputnik / Aleksey Kudenko / Fotobankka oʻtishPrazdnichnaya sdacha ekzamenov v "Moskovskoy shkole Deda Moroza"
Prazdnichnaya sdacha ekzamenov v Moskovskoy shkole Deda Moroza - Sputnik Oʻzbekiston, 1920, 20.12.2021
Xalq taʼlimi vazirligi uning birinchi xabari notoʻgʻri talqin qilingani bildirilgan.
TOSHKENT, 20 dek – Sputnik. Xalq taʼlimi vazirligi maktablarda Yangi yil bayramini nishonlash bilan bogʻliq xabarnomaga qoʻshimcha izoh berdi.
Eslatib oʻtamiz, unda maktablar oʻquvchilari ishtirokida taʼlim muassasalari hududida Yangi yil bayramini rejalashtirish va oʻtkazish mumkin emasligi (boshlangʻich sinf xonalaridan tashqari) maʼlum qilingan edi.
XTVning yangi xabarida vazirlikning maktablarga Yangi yil bayramini rejalashtirish va oʻtkazish bilan bogʻliq cheklov yuzasidan tegishli xati notoʻgʻri talqin qilinganini bildirgan.
“Umumtaʼlim maktablari hududida yangi yil bayramini nishonlash bilan bogʻliq hech qanday cheklovlar mavjud emasligini bildiramiz”, - deyilgan xabarda.
Shu bilan birga maktablarda pul yigʻimlari hamda ota-onalarning eʼtirozlarini oldini olish maqsadida restoran, kafe va boshqa umumiy ovqatlanish shoxobchalarida maktab oʻquvchilariga Yangi yil bayramini oʻtkazish tavsiya etilmaydi.
“Respublika maxsus komissiyasining turli xil korporativ bayram va koʻngilochar tadbirlarni tashkil etish bilan bogʻliq taqiqlar vazirlik, idora va boshqa davlat tashkilotlariga tatbiq etilganligini maʼlum qilamiz”, - deya qoʻshimcha qilingan xabarda.
Avvalroq ijtimoiy tarmoqlarda Maxsus komissiyaning qaroriga koʻra davlat tashkilotlariga Yangi yil bayrami munosabati bilan korporativ bayram tadbirlarini oʻtkazish taqiqlangani haqidagi xabar tarqalgan edi, ammo bu boradagi rasmiy xabar eʼlon qilinmagan edi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala