Jamiyat

Shamol, yomgʻir, harorat pasayishi: hafta davomida qanday ob-havo kuzatiladi

© Pixabay / Anrita1705 Zont, illyustrativnoye foto
Zont, illyustrativnoye foto - Sputnik Oʻzbekiston, 1920, 20.12.2021
Hafta davomida Oʻzbekiston hududlari boʻylab beqaror ob-havo boʻlishi kutilmoqda.
TOSHKENT, 20 dek – Sputnik. Bugun kunduz kuni respublikaning katta qismida iliq va quruq ob-havo kuzatiladi, faqat Fargʻona vodiysida yomgʻir yogʻadi. Havo harorati +10...-+15... daraja iliq boʻladi. Bu haqda Oʻzgidromet matbuot xizmati xabar bermoqda.
21 dekabrda respublika hududining katta qismida ob-havo sharoiti saqlanib turadi, faqat shimoliy hududlarga kunduz kuni va janubi-gʻarbiy hududlarga kechga tomon Kavkaz hududlaridan antitsiklon kirib kelishi boshlanadi, ushbu hududlarning baʼzi joylarida yomgʻir yogʻadi. Havo harorati kechasi +0...+5 daraja iliq atrofida boʻladi, kunduz kuni +15...+18 daraja iliqqacha koʻtariladi, shimolda +7...+12 daraja iliqdan yuqori boʻlmaydi.
22 dekabrda kirib kelish sharqqa tomon siljiydi, ayrim joylarda kechasi va ertalab yomgʻir yogʻadi. Togʻoldi va togʻli hududlarda yogʻingarchilik yomgʻir va qor koʻrinishida boʻladi, baʼzi joylarda kuchli boʻlishi mumkin. Havo harorati kechasi +4...+9 daraja iliq, kunduzi +10...+15 daraja iliq boʻladi.
21-22 dekabrda sovuq havo kirib kelishida respublika boʻyicha shamol 17-22 m/s gacha kuchayishi kutilmoqda, Buxoro, Samarqand, Jizzax, Qashqadaryo viloyatlarida baʼzi joylarda 25-28 m/s gacha kuchayishi mumkin.
Oʻzgidromet yaqin kunlarda shamol kuchayishi haqida ogohlantirdi
23-24 dekabrda hududlarning katta qismida quruq va nisbatan iliq ob-havo boʻlishi kutilmoqda, faqat respublikaning shimolida ob-havo sharoiti yana oʻzgaradi. Ushbu hududlarga Volga boʻyi hududlaridan antitsiklon kirib keladi. Qoraqalpogʻistonda va Xorazm viloyatida yomgʻir yogʻadi, baʼzi joylarda qorga aylanadi. Havo harorati kechalari +0...+5 daraja iliq, kunduzi 23 dekabrda +8...+13 daraja iliq atrofida boʻladi.
24 dekabrda harorat respublika boʻyicha +5...+10 daraja iliqni tashkil etadi, shimolda esa +0...+5 daraja iliqgacha pasayadi.
Hafta davomida respublika boʻyicha baʼzi joylarga tuman tushishi mumkin.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala