Jamiyat

Qanday mahsulotlarda shakar “yashiringanini” bilasizmi

Saxar - Sputnik Oʻzbekiston, 1920, 21.12.2021
Diyetolog Pigareva: gazli ichimliklar, souslar, sut mahsulotlari va myuslida shakar “yashiringan”
Qanday mahsulotlar tarkibida “yashiringan” shakar bor va buni qanday aniqlash mumkin? Bu haqida V.V.Vinogradov nomidagi shifoxonasi klinik diyetologiya boʻlimi mudirasi, tibbiyot fanlari nomzodi, terapevt, diyetolog Yuliya Pigaryova Sputnik radiosiga bergan intervyusida maʼlum qildi.
“Baʼzi insonlar butunlay shakardan voz kechdim deb xato oʻylaydilar,- deydi u.- Gazli ichimliklardan tortib myusli (toʻgʻralgan mevalar, yongʻoqlar va boshqa turli donlardan tayyorlangan nonushta uchun tayyor yorma)gacha va yana koʻp mahsulotlarda shakar “yashiringan” boʻladi”.
“Birinchi oʻrinda - gazli ichimliklar: ular tarkibida koʻp miqdorda shakar bor. Shirin ichimliklarni odam koʻproq ichishi mumkin. Asosan tomat pastasidan tayyorlangan souslar, turli xil ketchuplar. Odatda, odamlar bu kabi mahsulotlarda keragidan ortiq shakar borligini bilmaydi. Shuningdek, mevali yogurtlar va tvorogli masalliqlar, shirin sutli mahsulotlar, turli xil yormalar va nonushta uchun tayyor mahsulotlarda ham shakar koʻp”, deydi Pigaryova
Inson bir sutkada oʻrtacha 1700 kilokaloriy sarf qiladi. JSST tavsiyasiga koʻra, ratsionda oddiy uglevodlar hissasi 5-10% dan oshmasligi kerak. Bu degani, biz isteʼmol qilayotgan mahsulotlarda toʻqqiz choy qoshiqdan oshmagan miqdorda shakar boʻlishi kerak. Mahsulotning kaloriyaliligini va uning tarkibidagi oddiy uglevodlarni aniqlash uchun mahsulot yorligʻini diqqat bilan oʻqib chiqish kerak, deydi mutaxassis
“Masalan, tarkibga koʻra mahsulotda shakar yoʻq, ammo baribir, unga topinambura, agava kabi turli sirop qoʻshilgan boʻladi. Bu esa oddiy shakar degani. Tibbiyotda tabiiy shirinlashtiruvchi vositalar oddiy shakarga qaraganda afzalroq, biroq shunda ham uning qancha miqdorda isteʼmol qilinishi muhim. Bunday oddiy shakarlar bir sutkalik kaloriyalik hajmi bilan hisoblanishi kerak. Bunda mahsulot yorligʻini oʻqish juda muhim”, deya taʼkidladi Pigaryova.
“Agar mahsulot tarkibida baribir shakar boʻladigan boʻlsa, unda shakar eng oxirgi oʻrinda boʻlishi kerak, (yorliqlarda mahsulotning tarkibiy qismi ular miqdorining kamligiga qarab koʻrsatiladi,- tahr.sharhi), deydi diyetolog
Mavzuga oid:
Qondagi qand miqdorini kamaytirib yurish uchun nimalarga ahamiyat berish lozim
"Shirin ogʻu": olimlar shakarning yangi xavfli xususiyatini aniqladilar
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala