Jamiyat

Shuhrat Abdurahmonov: piyoda yurishni targʻib qilgan rahbarlarni Dubayga joʻnataman

© Foto: xokimiyat Andijanskoy oblastiXokim Andijanskoy oblasti Shuxrat Abduraxmonov
Xokim Andijanskoy oblasti Shuxrat Abduraxmonov - Sputnik Oʻzbekiston, 1920, 21.12.2021
Andijon viloyati hokimi ertalab va kechqurun piyoda yurishni tashkil qilgan mahalla raislari va tashkilot rahbarlarini Dubayga yuborishini aytdi.
TOSHKENT, 21 dek – Sputnik. Andijon viloyati hokimi Shuhrat Abdurahmonov ertalab va kechqurun piyoda yurishni tashkil qilgan mahalla raislari va tashkilot rahbarlarini Dubayga yuborishini maʼlum qildi.
Oltinchi chaqiriq xalq deputatlari Andijon viloyat Kengashining oʻttizinchi sessiyasida hokim viloyatda sogʻlom turmush tarzini keng targʻib qilish, aholini ommaviy sportga keng jalb etish, sport bilan shugʻullanish uchun qulay shart-sharoitlar yaratish, sport infratuzilmasini rivojlantirishga alohida eʼtibor qaratilayotganini qayd etgan. 14 dekabrdan—14 yanvarga qadar viloyatda "Salomatlik oyligi" oʻtkazilmoqda.
Abdurahmonov oʻz mahallasidagi xonadon vakillarini bir oy davomida ertalab va kechqurun bir soatdan piyoda yurishiga erishgan mahalla raislari va profilaktika inspektorlarini Samarqand va Buxoroga, uch oy davomida piyoda yurishiga erisha olgan rahbarlarni esa Dubayga sayohatga joʻnatishga vaʼda berdi.

"Bitta mahallada besh yuzta xonadondan hech boʻlmasa bittadan chiqib bir oy ertalab va kechqurun bir soatdan piyoda yursa, oʻsha mahalladagilarni barchasini Samarqand va Buxoroga sayohatga yuboraman. Agarda mahalla raisi, profilaktika inspektori va ularning atrofidagilar uch oy davomida xonadonlardagi fuqarolarni piyoda yurishga jalb etishni tashkillashtirib bersa, ularni Dubayga yuboraman”, - dedi Andijon viloyati hokimi. Uning soʻzlaridan “Daryo” nashri iqtibos keltirgan.

“Bundan tashqari, uzluksiz ravishda ertalab va kechqurun xodimlari bilan birga piyoda yurishni tashkil qilgan tashkilot rahbarlarini ham Dubayga joʻnatvoraman. Qancha pul ketsa ham mayli. Maqsad odamlarni yurgazish. Bundan ortiq boshqa nima qilish kerak?”, — deya qoʻshimcha qildi Shuhrat Abdurahmonov.
Avvalroq Fargʻona viloyati hokimi Xayrullo Bozorov ortiqcha vazndan xalos boʻlgan amaldor va fuqarolarga har bir kilosi uchun 500 ming soʻmdan pul toʻlanishini aytgan edi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala