Jamiyat

Toshkent transportini rivojlantirish kontseptsiyasi ishlab chiqildi – tafsilotlar

© Sputnik / Yevgeniy Biyatov / Fotobankka oʻtishAvtomobilnaya doroga, arxivnoye foto
Avtomobilnaya doroga, arxivnoye foto - Sputnik Oʻzbekiston, 1920, 22.12.2021
Yangi kontseptsiya shahar jamoat transporti va shaxsiy avtotransport uchun qulay infratuzilmani yaratishni koʻzda tutadi. Shahar koʻchalaridagi tirbandliklarni kamaytirish maqsadida yoʻl boʻyi pulli toʻxtash joylari paydo boʻlishi mumkin.
TOSHKENT, 22 dek – Sputnik. Transport vazirligi Toshkentda yoʻl-transport infratuzilmasini 2025 yilgacha rivojlantirish kontseptsiyasini tasdiqlash toʻgʻrisidagi hukumat qarori loyihasini ishlab chiqdi.
Hujjat loyihasida quyidagilarni tasdiqlash koʻzda tutilgan:
Toshkent shahar transporti va yoʻl-transport infratuzilmasini 2025 yilgacha rivojlantirish kontseptsiyasi;
Toshkent shahri yer usti yoʻlovchilar transportining yangi yoʻnalish tarmogʻini 2022−2025 yillarda joriy etish dasturi;
Shahar yoʻlovchilar transporti harakat tarkibini 2022−2025 yillarda yangi zamonaviy "yashil" avtobuslarni xarid qilish yoʻli bilan yangilash dasturi;
Transport-oʻtish bogʻlamalarini 2022−2025 yillarda tashkil etish dasturi;
Toshkent shahar transporti va yoʻl-transport infratuzilmasini 2025 yilgacha rivojlantirish kontseptsiyasini2022−2025 yillarda amalga oshirish boʻyicha "Yoʻl xaritasi".
Asosiy eʼtibor Toshkentda, qulay, jozibador boʻlgan shahar jamoat transporti tizimini tashkil etish, birinchi oʻrinda piyodalar, keyingi oʻrinda mos ravishda velotransport, shahar jamoat transporti va shaxsiy avtotransport uchun qulay infratuzilmani yaratishga qaratilgan.
Kontseptsiyani amalga oshirishdagi yondashuvlar quyidagilarni tashkil etadi:
shahar jamoat transporti infratuzilmasini rivojlantirish, shu jumladan yangi yoʻnalishlar tarmogʻini tashkil etish, harakat tarkibini zamonaviy "yashil" turlari bilan yangilash, yangi dizayn asosida oraliq bekatlarini qayta qurish;
transport-oʻtish bogʻlamalari tizimini yaratish, tabaqalashtirilgan tariflarni joriy etish;
velotransport infratuzilmasini rivojlantirish, shu jumladan velotransport harakatlanish yoʻlaklarini va veloparkovkalarni qurish;
shahar koʻchalaridagi tirbandliklarni kamaytirish maqsadida yoʻl boʻyi pulli toʻxtash joylarini shakllantirish (birinchi bosqichda 10 ta koʻchada);
transport vositalari harakatini boshqarishning intellektual tizimlarini, shu jumladan "aqlli svetoforlar" va "aqlli chorrahalar" tizimlarini joriy qilish;
yuk tashish tizimini tartibga solish, bunda yuk avtomobillarining shaharga kirishini maʼlum vaqt oraligʻida hamda avtomobil vazni inobatga olingan holda cheklovlarni joriy etish;
yoʻnalishsiz taksi faoliyatini raqamlashtirish;
aholi gavjum joylarda, vokzal va aeroportlarga tutash hududlarda alohida yoʻnalishsiz taksi toʻxtash joylarini tashkil qilish
Kontseptsiyaning amalga oshirilishi natijasida 2025 yilda:
yoʻnalish harakat intervalini 35 foizgacha qisqartirish;
shahar hududlarini yoʻlovchilar transporti bilan toʻliq qamrab olish;
aholining jamoat transportidan foydalanish darajasini 60 foizga yetkazish (kunlik yoʻlovchi tashish hajmi oʻrtacha 1,5 mln yoʻlovchi);
avtomobillar kunning "tigʻiz" paytida manzilga yetib borishi uchun sarflanadigan oʻrtacha harakatlanish vaqtining 50 daqiqadan 35 daqiqagacha qisqarishi;
shahar markazida harakatlanayotgan yengil avtomobillar sonining 20 foizgacha kisqartirilishi;
avtomobillarning toʻxtashi va toʻxtab turishi bilan bogʻliq qoidabuzarliklar sonining kamayishi;
umumiy yoʻlovchilar oqimining 10−15 foizi velosiped transportidan foydalanishi;
yoʻlkira haqi toʻlovining yangi tabaqalashtirilgan turlaridan qulay va arzon boʻlganlarini yoʻlovchilarga tanlash imkoniyatini joriy etish;
yoʻlkira haqi toʻlanishida naqd pul aylanmasidan voz kechish;
transportdan ekologiyaga yetkazilayotgan zarar 35 foizgacha kamayishi;
yuk tashish faoliyati tartibga solinishiga erishish va boshqalar kutilmoqda.
Bu loyihani ishlab chiqishga prezidentning ogʻzaki topshiriqlari asos boʻlgan. Unga Turkiyaning tajribali ekspertlari jalb etilgan.
Hujjatda yozilishicha, poytaxt hududi kengayib borishi, yangi ishlab chiqarish obʼyektlari paydo boʻlishi hamda aholiga koʻrsatiladigan transport xizmatlari sifatini oshirish, yoʻlovchi tashish transporti xizmatlariga boʻlgan ehtiyoj va talabni toʻliq qondirish maqsadida shahar yoʻlovchilar transporti yoʻnalishlar tarmogʻini tubdan qayta koʻrib chiqish dolzarbligini koʻrsatmoqda.
Loyiha muhokamalarida 2022 yilning 5 yanvarigacha ishtirok etish mumkin.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala