Jamiyat

Yangi yil kuni qor yogʻadimi

2022 - Sputnik Oʻzbekiston, 1920, 23.12.2021
Oʻzgidromet yetakchi mutaxassisi 30-31 dekabr kunlari qor yogʻishini kutish mumkinmi degan savolga javob berdi.
TOSHKENT, 23 dek – Sputnik. 30-31 dekabr kunlari Oʻzbekistonda yogʻingarchilik kutilmayapti. Bu haqda Oʻzgidromet yetakchi mutaxassisi Erkin Abdulahatov maʼlum qildi.
Uning soʻzlariga koʻra, mamlakatda 2016 yildan boshlab qishda yogʻib oʻtgan qorlar davomiyligi va yerda hosil boʻlgan qor qoplamining sutkalab erimasdan turish holatlari keskin kamayib ketgan. Qish mavsumida iliq qish kunlari sonining ortishi kuzatilmoqda. Biroq, oxirgi yillarda oktyabr va noyabr oylarida sovuq havo oqimlarining respublikaga kirib kelishi faollashgan.
Mutaxassis bu global iqlim oʻzgarishining mintaqaga shu koʻrinishdagi taʼsir etayotgani bilan tushuntirilishini bildirdi.
Abdulahatov koʻpchilikni qiziqtirgan “Yangi yilda qor yogʻadimi?” degan savolga ham javob berdi.

“Atmosferadagi havo oqimlariining harakatini sinchkov tahlil qilgan mutaxassis sifatida 30-31 dekabr kunlari respublikamizda yogʻingarchilik kutilmaydi. Demak, respublika aholisi bayramni qorli ob-havosiz kutib olishi mumkin”, - dedi Oʻzgidromet yetakchi mutaxassisi.

Oʻzbekistonda qish mavsumida qor yogʻishi uchun shimol va shimoli gʻarbdan sovuq havo oqimlari tez-tez respublika hududlariga kirib kelishi kerak boʻladi. Boshqacha aytganda, mintaqada ayni shu havo oqimlaridan qor yogʻadi. Tahlillarga koʻra, hozirda yil davomida sovuq havo oqimlarining respublika hududlariga kirib kelishi oʻtgan asr oxirlariga nisbatan naqd ikki barobarga kamaygan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala