Jamiyat

Yangi yildagi eng yoqimsiz korporativ sovgʻalar

© Sputnik / Vladimir Astapkovich / Fotobankka oʻtishOtpravka podarkov mirotvortsam v Nagornыy Karabax
Otpravka podarkov mirotvortsam v Nagornыy Karabax - Sputnik Oʻzbekiston, 1920, 27.12.2021
Mutaxassislar etiket boʻyicha Yangi yilda mijoz va hamkorlarga berish tavsiya etilmaydigan tuhfalar nomlarini keltirib oʻtishdi.
Yangi yilda hamkorlarga qanday sovgʻalar berish mumkin? Bu har yili kompaniyalar uchun yaxshigina boshogʻriq. Va har yili bayramdan soʻng stollarda keraksiz kantselyariya buyumlari va befoyda sovgʻalar yigʻilib qoladi. Yangi yilda hamkorlarga qanday sovgʻalar berish mumkin emasligi haqida etiket boʻyicha ekspertlar RIA Novostiga soʻzlab berdi.
Tatyana Baranovaning fikricha, hamkorlarga korportiv logotip tushirilgan maska, qoʻlqop va antiseptik tuhfa qilish kerak emas, chunki endi pandemiya- eski mavzu.
“Oʻtgan yili koʻp kompaniyalar mijoz va hamkorlariga kun tartibida boʻlgan mavzularda: niqoblar, qoʻlqoplar, antiseptiklar- brend yoki maxsus tayyorlangan himoya vositalari yoki shunga oʻxshash sovgʻalar berishdi. Bu yil esa pandemiya mavzusi eskirgan, hatto baʼzilar uchun zerikarli boʻlishi mumkin. Yaxshisi, oʻziga xos sovgʻalar bergan maʼqul” deydi u.
Baranovaning soʻzlariga koʻra, atir, kosmetika, oziq-ovqat mahsulotlari, aksessuarlar yoki sport mashgʻulotlari uchun trenajerlar kabi sovgʻalarni har xil tushunish mumkin.
“Agar biz sovgʻa berayotgan insonni yaxshi bilmasak, uning nimani afzal koʻrishini ham bilmaymiz. Suvenirlar, bloknotlar yoki korporativ logotip tushirilgan archa bezaklarini sovgʻa sifatida bermagan maʼqul, katta ehtimol bilan mijoz va hamkorlar ulardan foydalanishmaydi” deydi Baranova.
Uning fikriga milliy etiket va protokol ekspertlari assosiatsiyasi rahbari Albina Xolgova ham qoʻshiladi. U Yangi yilda hamkorlarga shaxsiy gigiyena vositalarini sovgʻa qilmaslikni maslahat berdi.
“Shuningdek, sovgʻali sertifikatlar ulashish ham yaxshi gʻoya emas. Bir vaqtlar ijtimoiy tarmoqlarda soʻrovnoma oʻtkazganimda, koʻpchilik sovgʻa sifatida sertifikat olishni xohlashlarini aytgan. Sovgʻa berishning asl maqsadi- ajablashtirish va xursand qilishdir. Sertifikat berganimizda ajablantira olmaymiz, balki maʼlum bir doʻkondan sotib olishga majbur qilamiz. Agar oʻsha doʻkonda biz xohlaydigan narsalar boʻlmasachi?” deya tushuntirdi mutaxassis
Bundan tashqari, etiketga koʻra, yangi yil sovgʻasi sifatida mashhur brend soati nusxasi, boʻyinbogʻ yoki babochka, kiyim-kechak tuhfa qilish ham mumkin emas.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala