Jamiyat

Yangi yil arafasida qoʻshimcha poyezd va samolyotlar qoʻyiladi

© Ministerstvo transporta UzbekistanaMejdu Karshi i Samarkandom zapustyat vыsokoskorostnoy poyezd Afrosiyob
Mejdu Karshi i Samarkandom zapustyat vыsokoskorostnoy poyezd Afrosiyob - Sputnik Oʻzbekiston, 1920, 28.12.2021
Yangi yil bayrami arafasida aholining respublika ichida shaharlararo qatnovlarga boʻlga ehtiyojini qondirish maqsadida Transport vazirligi 10dan ortiq qoʻshimcha parvozlar, temir yoʻl va avtobus qatnovlari tashkil qildi.
TOSHKENT, 28 dek - Sputnik. Yangi yil bayrami arafasida yoʻlovchilar oqimi ortishi munosabati bilan qoʻshimcha poyezd va samolyotlar qoʻyiladi. Bu haqida Transport vazirligi xabar qilmoqda.

Aviaqatnovlar

Amaldagi muntazam qatnovlardan tashqari joriy yilning 27 dekabridan 30 dekabrigacha Uzbekistan airways aviakompaniyasi tomonidan:
Toshkent – Nukus, Toshkent – Buxoro yoʻnalishlarida ikkitadan,
Toshkent – Qarshi, Toshkent – Namangan, Toshkent – Termiz - bittadan,
Toshkent – Urganch yoʻnalishida esa qoʻshimcha uchta reys amalga oshiriladi.
Natijada haftasiga qoʻshimcha qatnovlar soni jami 10 tani tashkil etmoqda.
Bundan tashqari Toshkent – Nukus, Toshkent – Buxoro va Toshkent – Urganch yoʻnalishlarida 7 ta parvozga 150 oʻrindiqli A 320 rusumli havo kemalari Boeing 757 (184 oʻrindiqli) va Boeing 767 (247 oʻrindiqli) rusumli havo kemalariga almashtirildi. Buning natijasida 427 ta qoʻshimcha yoʻlovchilar tashishga oʻrindiqlar yaratildi.

Temir yoʻl transportida

"Oʻzbekiston temir yoʻllari" AJ tomonidan joriy yilning 25 dekabr kunidan 2022 yilning 10 yanvar kuniga qadar yuqori tezlikda harakatlanuvchi “Afrosiyob” elektropoyezdining “Toshkent – Buxoro – Toshkent” yoʻnalishida har kunlik qatnovi yoʻlga qoʻyildi.
Shuningdek, 27 hamda 29 dekabr kunlari “Toshkent – Buxoro – Urganch” yoʻnalishida qoʻshimcha ikkita yoʻlovchi poyezdi qatnovi tashkil etilishi belgilandi.
Bundan tashqari Toshkent – Termiz, Toshkent – Nukus, Toshkent – Urganch yoʻnalishlarida harkatlanayotgan yoʻlovchi poyezdlariga qoʻshimcha 4 tadan platskart vagonlari ulanmoqda.

Avtobus qatnovlari

Shuningdek, quyidagi yoʻnalishlarda Toshkent – Nukus (2 ta), Toshkent – Buxoro (12 ta) Toshkent –Jizzax (3 ta), Toshkent – Qarshi (16 ta), Toshkent –Navoiy (17 ta), Toshkent – Samarqand (19 ta), Toshkent – Termiz (43 ta), Toshkent – Sirdaryo (5 ta), Toshkent – Urganch (18 ta) qoʻshimcha avtobuslar qatnovi amalga oshiriladi.
Ushbu chora-tadbirlar natijasida aholining respublikamiz hududlari boʻylab transportda harkatlanishiga boʻlgan mavsumiy talab toʻla qondiriladi, - deyilgan xabarda.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala