Sport

Nodirbek Abdusattorov tezkor shaxmat boʻyicha eng yosh jahon chempioni boʻldi – video

Nodir Abdusattarov - Sputnik Oʻzbekiston, 1920, 29.12.2021
Oʻzbekiston yosh shaxmatchi chempionlik yoʻlida 5 karra jahon chempioni Magnus Karlsenni ham magʻlub etishga muvaffaq boʻldi.
TOSHKENT, 29 dek – Sputnik.Polsha poytaxti Varshava shahrida shaxmatning rapid (tezkor) yoʻnalishi boʻyicha jahon chempionati oʻz nihoyasiga yetdi.
13 turdan iborat chempionat yakuniga koʻra, 17 yoshli oʻzbekistonlik Nodirbek Abdusattorov 9,5 ochko toʻplagan holda 1-oʻrinni egalladi. U musobaqa davomida 5 karra jahon chempioni Magnus Karlsenni ham magʻlub etishga muvaffaq boʻldi.
Shundan soʻng u bilan bir xil ochko toʻplagan rossiyalik Yan Nepomnyashiy tay-brekda oʻzaro kuch sinashdi va gʻalabaga erishib, jahon chempioniga aylandi.
“Shu tariqa Abdusattorov ushbu yoʻnalishda chempionlik tojini kiygan eng yosh shaxmatchiga aylandi”, - deyilgan Milliy olimpiya qoʻmitasi xabarida.
Prezident Shavkat Mirziyoyev matbuot kotibi Sherzod Asadovning xabar berishicha, MDHning norasmiy sammiti boʻlib oʻtgan Sankt-Peterburgdan Toshkentga qaytayotgan samolyotda prezident va butun delegatsiya ham Nodirbek Abdusattorovning ishtirokini katta qiziqish bilan onlayn kuzatib borgan.
“Davlatimiz rahbari shaxmatning rapid yoʻnalishi boʻyicha yangi va eng yosh jahon chempioniga oʻzining eng samimiy tabriklarini yoʻllamoqda hamda uning ota-onasi va murabbiylariga minnatdorlik bildirmoqda”, - deya yozdi Asadov oʻzining telegram kanalida.
Nodirbek Abdusattorov 2017 yilda, 13 yoshida grossmeysterlik unvonini olgan. 2021 yil yanvar holatiga koʻra, Abdusattorov shaxmat tarixidagi eng yosh beshinchi grossmeyster boʻlib turibdi. U 2018 yilda Oʻzbekiston terma jamoasi safida Butunjahon shaxmat Olimpiadasida birinchi oʻrinni qoʻlga kiritgandi va unga Prezident sovgʻasi “Spark” avtomobili topshirilgandi.
Yosh shaxmatchi Nodirbek Abdusattorov 2017 yilda Sputnik muxbiriga bergan intervyusida besh yildan soʻng dunyoning eng kuchli shaxmatchilari roʻyxatida boʻlishini taʼkidlagandi.

Mavzuga oid:

Oʻzbekistonlik yosh shaxmatchi jahon chempionini magʻlubiyatga uchratdi
Nodirbek Abdusattorov: "Besh yildan soʻng dunyoning eng kuchli shaxmatchilari roʻyxatida boʻlaman"
Jahonning eng yosh shaxmatchisi kursantlar bilan dona surdi
Oʻzbekiston shaxmat vatani deb rasman tan olinadi
Oʻzbekistonlik yosh shaxmatchilar jahonda tengsiz ekanliklarini koʻrsatishmoqda
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala