Jamiyat

Reklama va lotoreyalar cheklanadi va tartibga solinadi - yangi qonun

© Sputnik / Vitaliy Belousov / Fotobankka oʻtishDemontaj reklamы
Demontaj reklamы - Sputnik Oʻzbekiston, 1920, 30.12.2021
Yangi qonunning asosiy maqsadi - reklama ishlab chiqarish, tarqatish va joylashtirish bilan bogʻliq munosabatlarni tartibga solish.
TOSHKENT, 30 dek - Sputnik. Oʻzbekistonda reklama ishlab chiqaruvchi, tarqatuvchi va undan manfaatdor boʻlgan shaxslar huquq va majburiyatlari aniq belgilanmoqda, reklama va lotoreya oʻyinlari oʻtkazishla qator cheklovlar kiritilmoqda.
Bu haqida Oʻzbekiston Respublikasining “Reklama toʻgʻrisida”gi qonunining yangi tahririda aytib oʻtilgan. Ushbu qonun loyihasi 28 dekabr kuni Oliy Majlisda muhokama qilindi va uning yangi tahriri qabul qilindi.
Isteʼmolchilar huquqlarini himoya qilish agentligi tomonidan ishlab chiqilgan mazkur qonun loyihasining asosiy oʻzgarishlari quyidagilardan iborat:
OAVlar uchun berilayotgan reklama miqdoriga cheklov oʻrnatilgan. Xususan, teleradiotashkilotlar uchun reklama joylashtirishga ajratilgan vaqt har bir soatiga 20 %dan oshmasligi belgilanmoqda va boshqa talablar liberallashtirilmoqda;
Telekommunikatsiyalar xizmatlarini koʻrsatish chogʻida reklamani tarqatishga faqat abonentning oldindan roziligi boʻlsagina yoʻl qoʻyilishi belgilanmoqda.
Reklamaning aylanishi sohasini tartibga solish boʻyicha Hukumat, vakolatli davlat organi, mahalliy hokimlik va nodavlat tashkilotlarning vakolatlari belgilanmoqda.
Ragʻbatlantiruvchi aktsiyalarni tashkil etish va oʻtkazishga hamda ularni reklamasiga doir aniq tartib oʻrnatilmoqda;
Tashqi reklamani joylashtirish munosabatlariga oid talablarni belgilovchi 4 ta moddadan iborat alohida bob kiritilmoqda.
Internet jahon axborot tarmogʻi vositasida tarqatiladigan reklamani tartibga soluvchi yangi talablar kiritilmoqda.
Dori vositalari, biologik faol qoʻshimchalar, energetik ichimliklar, xalq tabobati tovarlari, alkogol va tamaki mahsulotlari reklamasiga doir talablar takomillashtirilmoqda.
Reklama davlat tilida tarqatilishi, bunda reklama mazmunining tarjimasi uning Oʻzbekiston Respublikasi davlat tilidagi asosiy maʼnosini buzmagan holda qoʻshimcha ravishda takror berilishi mumkinligi oʻrnatilmoqda.
Qimor oʻyinlari va tavakkalchilikka asoslangan boshqa oʻyinlar reklamasiga yoʻl qoʻyilmaydi;
Reklama toʻgʻrisidagi qonunni buzganlik uchun yuridik shaxslarga nisbatan sud tartibida moliyaviy sanktsiyalar qoʻllaniladi.
Xabarda aytilishiga koʻra, yangi qonunning maqsadi Oʻzbekiston hududida reklama sahasini tartibga solish, voyaga yetmaganlarni reklamadan himoya qilish hamda tadbirkorlik va isteʼmol madaniyatini takomillashtirishdir.
Shu bilan bir vaqtda, respublikada reklama faoliyati va reklama bozorini rivojlantirish uchun qulay shart-sharoitlar yaratishdan iborat.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala