Iqtisod

Prezident Soliq kodeksiga kiritilgan oʻzgartishlarni tasdiqladi. Nimalar oʻzgaradi

© Sputnik / Ramiz BaxtiyarovNatsionalnaya valyuta Uzbekistana — sum
Natsionalnaya valyuta Uzbekistana — sum - Sputnik Oʻzbekiston, 1920, 30.12.2021
Prezident imzolagan qonun bilan Soliq kodeksiga qator oʻzgartish va qoʻshimchalar kiritildi.
TOSHKENT, 30 dek – Sputnik. Prezident Shavkat Mirziyoyev “Soliq kodeksiga oʻzgartish va qoʻshimchalar kiritish toʻgʻrisida”gi qonunni imzoladi.
Hujjat bilan soliq imtiyozlarida quyidagilar soliqqa tortilmasligi belgilandi:
soliq toʻlovchining professional va oliy taʼlim muassasalarida oʻqish uchun banklardan olingan taʼlim kreditlariga yoʻnaltirilgan daromadlari, ish haqi;
talabalarga ijaraga berilgan uy-joylardan olingan daromad;
soliq toʻlovchining quyidagilarni toʻlash uchun yoʻnaltiriladigan, BHMning 8 baravarigacha boʻlgan ish haqi summalari va boshqa daromadlari:
xalqaro tashkilotlarga aʼzolik badallari;
qayta tayyorlash va malaka oshirish uchun nodavlat taʼlim tashkilotlariga toʻlovlar.
Yuridik shaxslarning mol-mulkiga solinadigan soliq 2 foizdan 1,5 foizga, qurilishi normativ muddatda tugallanmagan obʼyektlarga nisbatan 4 foizdan 3 foizga kamaytirildi.
Yetim bolalar va ota-ona qaramogʻidan mahrum boʻlgan bolalar mulkida boʻlgan mol-mulk soliq solishdan ozod etiladi.
2021 yil 1 sentyabrdan 2021 yil 31 dekabrga qadar boʻlgan davrda umumiy ovqatlanish korxonalari yuridik shaxslardan olinadigan yer soligʻini va yuridik shaxslarning mol-mulkiga solinadigan soliqni toʻlashdanozod etiladi.
Respublika tumanlarida (bundan Toshkent shahri mustasno) faoliyatni amalga oshiruvchi yakka tartibdagi tadbirkorlar uchun belgilangan ijtimoiy soliq stavkasi 2022 yil 1 yanvardan 2023 yil 1 yanvarga qadar BHMning 50 foizi miqdorida qoʻllaniladi.
Qonun bilan foydali qazilmalarni qazib olganlik uchun maxsus renta soligʻi joriy etildi.
Qimmatbaho, rangli va radioaktiv metallarni, nodir elementlarni va nodir yer elementlarini qazib oluvchi va ularni texnogen mineral hosilalardan ajratib oluvchi, uglevodorod xomashyosini qazib oluvchi yuridik shaxslar foydali qazilmalarni qazib olganlik uchun maxsus renta soligʻini toʻlovchilarhisoblanadi.
Mazkur soliq stavkasi soliq bazasiga nisbatan 25 foiz miqdorida belgilanadi.
Mazkur soliq toʻlovchisi boʻlgan chet el investorlari soliq hisobini AQSH dollarida yuritishi mumkin.
Soliq imtiyozlarini hisobga olish axborot tizimlari orqali va maxsus identifikatsiya kodini bergan holdaamalga oshiriladi.
Tamaki va alkogol mahsulotlariga nisbatan yangi soliq stavkalari belgilanadi.
Jumladan, filtrli, filtrsiz sigaretalar, papiroslar, sigarillalar (sigaritlar), bidi, kreteklar:
- import qilinganda – 360 000 soʻm/1000 dona + 10 foiz (ilgari 400 000 soʻm/1000 dona + 10 foiz edi);
- ishlab chiqariladigan – 2022 yil 1 yanvardan: 185 000 soʻm/1000 dona + 10 foiz, 2022 yil 1 iyundan: 203 500 soʻm/1000 dona + 10 foiz (ilgari 2021 yil 1 oktyabrdan: 185 000 soʻm/1000 dona + 10 foiz edi).
Aroq, konyak va boshqa alkogol mahsulotlari uchun:
- import qilinganda 45 000 soʻm/1 litr uchun (ilgari 50 000 soʻm/1 litr uchun);
- ishlab chiqarilganda (1 dal tayyor mahsulot uchun) 2022 yil 1 yanvardan 125 100 soʻm, 2022 yil 1 iyundan 138 000 soʻm (ilgari 2021 yil 1 oktyabrdan 125 100 soʻm).
Mobil aloqa xizmatlari va shakar uchun aktsiz soligʻi oʻzgartirishsiz qoldirildi (15 va 20 foiz).

Mavzuga oid:

Biznesni roʻyxatdan oʻtkazish uchun yigʻim kamaytirildi
YATTlar uchun ijtimoiy soliq ikki baravar kamaytiriladi
YATTlar daromad soligʻining qatʼiy belgilangan summalarini toʻlashdan ozod qilinadi
Davlat oilaviy tadbirkorlikni qoʻllab-quvvatlaydi
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala