TOShKENT, 31 dek — Sputnik. 31-dekabr kuni Samarqandda Ro‘dakiy va Bo‘stonsaroy ko‘chalari kesishmasida qurilgan avtomobil-tramvay tunneli tantanali ravishda ochildi. Bu haqda Samarqand viloyati hokimligi matbuot xizmati xabar bermoqda.Ochilish marosimida viloyat hokimi Erkinjon Turdimov ishtirok etib, samarqandliklarni tunnel ochilganligi va Yangi yil bilan tabrikladi.Tunnel qurilishi 2019-yil oxirida boshlangan edi. Qurilish 2022-yilda bo‘lib o‘tishi rejalashtirilgan Shanxay hamkorlik tashkiloti sammitidan oldin shahar ko‘chalarini rekonstruksiya qilish bo‘yicha keng ko‘lamli ishlar doirasida amalga oshirildi. Qurilish sababli chorrahadagi transport qatnovi to‘xtatib qo‘yilgan edi.O‘zA ma’lumotlariga ko‘ra, obyektning umumiy qiymati 143 milliard so‘mni tashkil etib, to‘liq davlat budjeti hisobidan moliyalashtirilgan. Tunnelning umumiy uzunligi 675 metr.Inshootning estakada qismi uzunligi 20 metr, balandligi 5,7 metr va kengligi o‘rtacha 26,3 metrni, tirgak devorlarining umumiy uzunligi 551 metrni tashkil etadi.Yo‘lning ikki chetida himoya vositasi, shovqin kamaytiruvchi, balandligi 4,55 metr bo‘lgan qismida 900 metr uzunlikda to‘siqlar o‘rnatildi. Piyodalar yo‘lagi va veloyo‘lak barpo etilgan.
Obyekt qiymati 143 milliard so‘mni tashkil etdi. Uning umumiy uzunligi 675 metr.
TOShKENT, 31 dek — Sputnik. 31 dekabr kuni Samarqandda Ro‘dakiy va Bo‘stonsaroy ko‘chalari kesishmasida qurilgan avtomobil-tramvay tunneli tantanali ravishda ochildi. Bu haqda Samarqand viloyati hokimligi matbuot xizmati xabar bermoqda.
Ochilish marosimida viloyat hokimi Erkinjon Turdimov ishtirok etib, samarqandliklarni tunnel ochilganligi va Yangi yil bilan tabrikladi.
Tunnel qurilishi 2019-yil oxirida boshlangan edi. Qurilish 2022-yilda bo‘lib o‘tishi rejalashtirilgan Shanxay hamkorlik tashkiloti sammitidan oldin shahar ko‘chalarini rekonstruksiya qilish bo‘yicha keng ko‘lamli ishlar doirasida amalga oshirildi. Qurilish sababli chorrahadagi transport qatnovi to‘xtatib qo‘yilgan edi.
O‘zA ma’lumotlariga ko‘ra, obyektning umumiy qiymati 143 milliard so‘mni tashkil etib, to‘liq davlat budjeti hisobidan moliyalashtirilgan. Tunnelning umumiy uzunligi 675 metr.
Inshootning estakada qismi uzunligi 20 metr, balandligi 5,7 metr va kengligi o‘rtacha 26,3 metrni, tirgak devorlarining umumiy uzunligi 551 metrni tashkil etadi.
Yo‘lning ikki chetida himoya vositasi, shovqin kamaytiruvchi, balandligi 4,55 metr bo‘lgan qismida 900 metr uzunlikda to‘siqlar o‘rnatildi. Piyodalar yo‘lagi va veloyo‘lak barpo etilgan.
