Lukashenko va Nazarboyev telefon orqali muloqot qildi

© Sputnik / Mixail Klimentyev / Fotobankka oʻtishZasedaniye Vыsshego Yevraziyskogo ekonomicheskogo soveta
Zasedaniye Vыsshego Yevraziyskogo ekonomicheskogo soveta - Sputnik Oʻzbekiston, 1920, 08.01.2022
Obuna boʻlish
Yandex newsTelegram
Belarus prezidenti Aleksandr Lukashenko Qozogʻiston sobiq prezidenti Nursulton Nazarboyev bilan telefon orqali muloqot qildi.
TOSHKENT, 8 yanv — Sputnik. 7 yanvar, juma kuni kechqurun Belarus prezidenti Aleksandr Lukashenko Qozogʻiston sobiq prezidenti Nursulton Nazarboyev bilan telefon orqali muloqot qildi.
Bu haqda Sputnik Belarus mamlakat prezidenti matbuot xizmatiga asosan xabar qildi.
Ular Qozogʻistondagi vaziyatni muhokama qilishdi.

Qayerga gʻoyib boʻldi

Qozogʻistonda tartibsizliklar boshlanganidan beri Nursulton Nazarboyev haqida hech qanday xabarlar boʻlmadi.
Oxirgi marta u Yangi yil oldidan - dekabr oyi oxirida Sankt-Peterburgda boʻlib oʻtgan MDH sammitida OAVlar oldida koʻrinish bergandi.
5 yanvardan boshlab Qozogʻiston prezidenti Qasim-Jomart Toqayev Qozogʻiston Xavfsizlik kengashiga rahbarlik qilmoqda – avval bu lavozimda Nazarboyev faoliyat olib borardi va u umrining oxirigacha mazkur lavozim vakolatlariga ega edi.

Qozogʻistondagi tartibsizliklar

Qozogʻistonda ommaviy norozilik namoyishlari 2022 yilning dastlabki kunlarida boshlandi. Oʻshanda mamlakat gʻarbidagi Janaozen va Oqtau shaharlari aholisi suyultirilgan gaz narxining ikki baravar oshishiga qarshi chiqdi, keyinchalik norozilik namoyishlari boshqa shaharlarga ham tarqaldi. Olma-Otada 4 va 5 yanvar kunlari kuchishlatar tizim xodimlari bilan toʻqnashuvlar boʻlib oʻtdi, politsiya gaz va shovqinli granatalardan foydalandi. Qozogʻiston boʻylab internet oʻchirildi, bir qator telekanallarning translyatsiyasi vaqtincha toʻxtatildi. 19 yanvarga qadar butun Qozogʻiston hududida favqulodda holat joriy etildi.
5 yanvar kuni ertalab prezident Qasim-Jomart Toqayev hukumatni isteʼfoga chiqardi va respublika Xavfsizlik kengashiga rahbarlik qildi. birinchi yigʻilishda u Qozogʻistondagi vaziyatni “davlat yaxlitligiga putur yetkazuvchi” deb atadi va “terrorchilik xavfini yengish” uchun KXSHTdan yordam soʻraganini aytdi.
KXSHT Kollektiv xavfsizlik kengashi Toqayevning murojaati munosabati bilan Qozogʻistonga kollektiv tinchlikparvar kuchlarni yuborish toʻgʻrisida qaror qildi. Mamlakatdagi vaziyatni barqarorlashtirish va normallashtirish maqsadida kuchlar cheklangan muddatga yuboriladi.
Yangiliklar lentasi
0