Qozogʻistonda tartibsizliklar tufayli qoʻlga olinganlar 6 mingga yaqinlashdi

© Sputnik / Fotobankka oʻtishSituatsiya v Kazaxstane na fone protestov
Situatsiya v Kazaxstane na fone protestov - Sputnik Oʻzbekiston, 1920, 09.01.2022
Obuna boʻlish
Yandex newsTelegram
Qozogʻistondagi tartibsizliklarda ishtirok etishda gumon qilinib qoʻlga olingan fuqarolar soni 6 mingga yaqinlashdi.
TOSHKENT, 9 yanv - Sputnik. Qozogʻistonda soʻnggi kunda sodir boʻlgan tartibsizliklar oqibatida qoʻlga olinganlar soni 5969 kishiga yetdi, deb xabar qilmoqda Respublika ichki ishlar vazirligining vaziyat markazi.
Biroz oldin IIV Olma-Otadan chiqish postlarida harbiylar joylashtirilib, shaharni tark etayotgan barcha mashinalar koʻrikdan oʻtkazilayotgani va shubhali shaxslar shtabga joʻnatilayotgani haqida xabar berilgan edi.
Qozogʻiston Ichki ishlar vazirligi tomonidan berilgan soʻnggi xabarga koʻra 16 nafar xodim qurbon boʻlgan. Undan tashqari tinch aholi orasida ham qurbonlar bor. Jabrlanganlar umumiy soni 1000 kishiga yaqin.
Eslatib oʻtamiz, Qozogʻistonda yangi yildan soʻng ommaviy norozilik namoyishlari boshlangan edi. Dastlab mamlakat shimolida, Mangʻistau viyalotida suyultirilgan gaz narxi oshishi sabab boshlangan norozilik namoyishlari keyinchalik Qozogʻiston janubiy viloyatlarda ommaviy tartibsizlik, bosqinchilik va terrorchilikka harakatiga aylanib ketdi.
Qurollangan toʻdalar yirik shahar markazlari, maʼmuriyat binolari, telekanallarni egallab olishdi, politsiya va harbiylarga hujumlar uyushtirishdi. Magazinlarga bosqinchilik qilindi. Bunga javoban Qozogʻiston prezidenti 19 yanvarga qadar mamlkatda favqulodda vaziyat joriy etdi va KXSHT aʼzolaridan yordam soʻradi. Qozogʻistonga Rossiya, Belarus, Armaniston va Tojikistondan KXSHT tinchlikparvar kuchlari vaqtincha kiritildi. Ularning vazifasi - muhim obʼyektlarni qoʻriqlash.
BMT maʼlumotiga koʻra, Qozogʻistondagi tartibsizliklar davomida 18 nafar huquqni saqlash organlari xodimlari qurbon boʻlgan, mingga yaqin kishi yaralangan.
Ayni damda Qozogʻistonda aksilterror operatsiya oʻtkazilmoqda. Qozogʻiston harbiylari Olma-Ota, Chimkent va boshqa viloyat markazlarida tartibsizliklarda ishtirok etgan jangarilarni qoʻlga olmoqda. Shu kunga qadar 4200dan ortiq kishi qoʻlga olingan. Ular orasida chet el fuqarolari ham bor.
Yangiliklar lentasi
0