Siyosat

Mirziyoyev mehnat taʼtilidan nega erta qaytgani maʼlum boʻldi

© Press-slujba prezidenta UzbekistanaShavkat Mirziyoyev
Shavkat Mirziyoyev - Sputnik Oʻzbekiston, 1920, 16.01.2022
Obuna boʻlish
Yandex newsTelegram
Oʻzbekiston prezidentining matbuot kotibi Sherzod Asadov davlat yetakchisi nega taʼtilni erta yakunlab, ikki kunda ishga qaytganiga izoh berdi.
TOSHKENT, 16 yanv — Sputnik. Oʻzbekiston prezidenti Shavkat Mirziyoyev mehnat taʼtilidan Qozogʻistondagi voqealar sabab erta qaytgan. Bu haqda uning matbuot kotibi Sherzod Asadov maʼlum qildi.
“Qozogʻistondagi voqealar boshlanishi bilan prezidentimiz uchta davlat rahbari bilan telefonda gaplashib, mintaqadagi vaziyat va qoʻshni davlatdagi voqealarning mintaqaga taʼsirini muhokama qildilar. Xalqimiz tinchligi, farovonligi va xavfsizligi prezident uchun birinchi oʻrinda turadi va u kishi doim xalqimiz bilan birga. Davlat rahbari taʼtildan tez qaytishlarining sababi Qozogʻistondagi tinchlik tarafdori ekanlaridir”, — dedi Asadov “Oʻzbekiston 24” telekanalining “Menimcha” telekoʻrsatuvida.
Avvalroq Mirziyoyev 2022 yil 5 yanvar kuni qisqa muddatli mehnat taʼtiliga chiqqani va 2 kun oʻtar-oʻtmas, yaʼni 7 yanvar kuni odatdagi tartibda ishlashga qaytgani xabar qilingan edi.
Maʼlumot uchun, Shavkat Mirziyoyevning oldingi galdagi mehnat taʼtillari bir hafta davom etgan. Prezident 2021 yili yanvar oyida, 2019 yil avgust oyida taʼtilga chiqqan edi.
Yangiliklar lentasi
0