Sport

Oʻzbekistonlik MMA jangchisi raqibini 21 soniyadayoq “yer tishlatdi” - video

© UFC Fightpass / TwitterRing pered nachalom boya UFC
Ring pered nachalom boya UFC - Sputnik Oʻzbekiston, 1920, 16.01.2022
Obuna boʻlish
Yandex newsTelegram
Yakkakurashchi Anvar Boynazarov MMA’dagi 3-jangida amerikalik raqibi ustidan gʻalaba qozondi.
TOSHKENT, 16 yanv — Sputnik. AQShning Dallas shahrida Legacy Fighting Alliance (LFA) 121 musobaqasi boʻlib oʻtdi. Unda Anvar Boynazarov amerikalik raqibi Jon Femni bir necha soniya ichida nokautga uchratdi.
Boynazarov jangni qator kuchli zarbalar bilan boshladi va raqibini 21-soniyadayoq nokaut holatiga tushirdi. Shu tariqa Boynazarov MMA’dagi uchinchi jangini muddatidan oldingi gʻalaba bilan yakunladi.
Oʻzbekistonlik yakkakurashchi Anvar Boynazarov bunga qadar yana ikki amerikalik raqiblari ustidan gʻalaba qozongan.
Anvar Boynazarov 1989 yilning 10 yanvar kuni Samarqandning Jomboy tumanida tugʻilgan. 12 yoshidan boshlab taekvondo bilan shugʻullangan. U professional faoliyatini rivojlantirish uchun 2008 yil Tailand poytaxti Bangkokka joʻnab ketgan. "The Uzbek" laqabi bilan mashhur boʻlgan Boynazarov muaytay boʻyicha avvaliga havaskorlar oʻrtasida Jahon chempioni boʻldi, 2011 yilda esa WMF yoʻnalishi boʻyicha Jahon chempioni boʻldi. Faoliyatining maʼlum qismida 5 yil ichida 111 ta jangda ishtirok etib, oʻziga xos rekord oʻrnatgan.
Yangiliklar lentasi
0