Hodisalar

Samarqandda “Jihodchilar” va “Hizb ut-Tahrir”* targʻibchilari qoʻlga olindi

© Depositphotos / Alexander RathsMolodoy chelovek v naruchnikax
Molodoy chelovek v naruchnikax - Sputnik Oʻzbekiston, 1920, 16.01.2022
Obuna boʻlish
Yandex newsTelegram
Ishtixonlik erkak "Hizb ut-Tahrir"* ekstremistik oqimning Qirgʻizistondagi rahnamosi bilan aloqada boʻlib kelgan.
TOSHKENT, 16 yanv — Sputnik. Samarqand viloyatida "Hizb ut-Tahrir"* va "Jihodchilar"* ekstremistik oqimlarining gʻoyalarini targʻib qilgan shaxslar ushlandi.
Davlat xavfsizlik xizmati viloyat boshqarmasi hamda ichki ishlar idoralari xodimlari hamkorligida tadbir oʻtkazilgan. Ishtixonlik 34 yoshli R.M. "Hizb ut-Tahrir"* ekstremistik oqimning Qirgʻizistondagi rahnamosi bilan aloqada boʻlgani aniqlangan.
“Turkiston islom harakati”* aʼzosi Oʻzbekistonga olib kelindi
Qayd etilishicha, R.M. uning koʻrsatmasi bilan tashkilot gʻoyalarini internet orqali targʻib qilgan va ishga aloqador ashyoviy dalillar xolislar ishtirokida olib qoʻyilgan.
Shu bilan birga, Oqdaryo tumani Loyish shaharchasida yashovchi 32 yoshli B.J. hamda urgutlik 36 yoshli X.S. "Jihodchilar"* oqimi rahnamolarining ekstremistik mazmundagi materiallarini ijtimoiy tarmoqda virtual doʻstlariga tarqatib kelgani aniqlanib, qoʻlga olindi.
Hozirda ularga nisbatan Jinoyat kodeksining tegishli moddalari bilan jinoyat ishi qoʻzgʻatilgan.
Rossiyada “jihod” gʻoyalarini targʻib qilishda gumon qilingan oʻzbekistonlik qoʻlga olindi
Tergov harakatlari olib borilmoqda.
* Taqiqlangan tashkilotlar
Yangiliklar lentasi
0