Jamiyat

Hafta oxirida Oʻzbekiston hududiga sovuq havo kirib keladi

© Sputnik / Ilya Naymushin / Fotobankka oʻtishJenщina s zontom na ulitse vo vremya livnya v Krasnoyarske
Jenщina s zontom na ulitse vo vremya livnya v Krasnoyarske - Sputnik Oʻzbekiston, 1920, 17.01.2022
Obuna boʻlish
Yandex newsTelegram
Respublika boʻyicha baʼzi joylarda biroz yomgʻir yogʻishi mumkin, shimolda biroz yogʻingarchilik (yomgʻir, qor) boʻladi.
TOSHKENT, 17 yanv — Sputnik. Bugun va ertaga Oʻzbekiston hududi boʻyicha beqaror ob-havo saqlanib turadi, bunday holat Eron hududlaridan issiq va juda nam havo massalari kirib kelishi bilan bogʻliqdir, deb xabar bermoqda Oʻzgidromet.
Respublika boʻyicha baʼzi joylarda yomgʻir yogʻadi, baʼzi joylarda kuchli boʻlishi mumkin, shimolda yogʻingarchilik (yomgʻir qorga aylanadi) boʻladi. Havo harorati kechasi +3...+8 daraja iliq, kunduzi +5...+10 daraja iliq, baʼzi joylarda havo ochiq boʻlganda +12... daraja iliqqacha, shimolda kechasi -3...-8 daraja sovuq, kunduzi -3 daraja sovuq , +2 daraja iliq atrofida boʻladi.
Respublika boʻyicha 19 yanvar kuni ertalabga yomgʻir jadalligi pasaya boshlaydi, lekin kunduz kuni sovuq front oʻtishida ayrim hududlarda yomgʻir qorga aylanishi mumkin.
Qoraqalpogʻistonda, Xorazm viloyatida kechasi va ertalab baʼzi joylarda biroz qor yogʻishi kuzatiladi. Respublika boʻyicha havo harorati kechasi -3 daraja sovuq +2 daraja iliqqacha, kunduzi +5...+8 daraja iliqqacha pasayadi.
20 yanvar kuni Oʻzbekistonda havo harorati kechasi -3 daraja sovuq +2 daraja iliq, kunduzi +7...+10 daraja iliq boʻlgan quruq va biroz bulutli ob-havo kutilmoqda.
21 yanvar kuni mamlakat hududiga Kaspiy dengizidan biroz nam va nisbatan sovuq havo massasi kirib keladi. Respublika boʻyicha baʼzi joylarda biroz yomgʻir yogʻishi mumkin, shimolda biroz yogʻingarchilik (yomgʻir, qor) boʻladi. Fargʻona vodiysi viloyatlarida yogʻingarchilik kutilmaydi. Havo harorati +0...+5 daraja iliq, baʼzi joylarda -2 daraja sovuqqacha, kunduzi +5...+10 daraja iliq boʻladi.
Respublika boʻyicha baʼzi joylarga tuman tushishi mumkin.
18-19 yanvarda respublika boʻyicha baʼzi joylarda shamol tezligi 17-22 m/s gacha kuchayishi kutilmoqda.
18-19 yanvarda respublikaning togʻli hududlarida yogʻingarchilik (yomgʻir, qor), vaqti-vaqti bilan kuchli boʻladi. 18-19 yanvarda qor koʻchishi xavfi bor.
Yangiliklar lentasi
0