Rossiya

Rossiyaga migrantlarning oqimi koʻpayadi – Medvedev

© Sputnik / Yekaterina Shtukina / Fotobankka oʻtishZampred Sovbeza RF D. Medvedev prinyal uchastiye v zasedanii popechitelskogo soveta SPbGU
Zampred Sovbeza RF D. Medvedev prinyal uchastiye v zasedanii popechitelskogo soveta SPbGU - Sputnik Oʻzbekiston, 1920, 18.01.2022
Obuna boʻlish
Yandex newsTelegram
Rossiyaga migrantlarning oqimi koʻpayadi – Dmitriy Medvedev.
TOSHKENT, 18 yanv — Sputnik. Rossiyaga migrantlarning oqimi koʻpayadi, shuning uchun migrantlar toʻgʻrisidagi maʼlumotlarni toʻplash va hisobga olish boʻyicha zamonaviy yagona tizimi zarur, deb aytdi Rossiya Xavfsizlik kengashi raisi oʻrinbosari Dmitriy Medvedev.

“Bugun biz nafaqat oʻylashimiz, balki ushbu sohada maʼlumotlarni toʻplash va hisobga olishning yagona tizimini qanday shakllantirishni hal qilishimiz kerak. Bu haqda tizim yangilanmayotgani uchun qotib qolib, qulashi mumkin, chunki tizim eski, unga pul ajratilmayapti, deb aytgandi Ichki ishlar vaziri. Va tabiiyki, bularning barchasi barcha toifadagi fuqarolarga – fuqarolarimizga ham, chet elliklarga ham taʼsir qilmoqda”, - dedi u migratsiya sohasida davlat boshqaruvi va davlat xizmatlarini koʻrsatish sifatini oshirishga bagʻishlangan yigʻilishda.

Medvedevning soʻzlariga koʻra, bularning barchasi migratsiya sohasidagi axborot infratuzilmasining darajasi yuqori boʻlmaganligi bilan bogʻliq.
"Asta-sekin, belgilangan muddatlarni buzgan holda, deyarli bir yil kechikib, migratsiya jarayonlarini davlat boshqaruvini kompleks axborotlashtirish strategiyasi loyihasi ustida ish olib borilmoqda. Xorijiy fuqarolar va migratsiya oqimlari haqidagi maʼlumotlarni oʻz ichiga oladigan yagona raqamli platforma hali ham mavjud emas. Bunday tizim nihoyatda muhim”, dedi u.
Uning soʻzlariga koʻra, pandemiya bilan bogʻliq cheklovlarga qaramay, mamlakatga migrantlar oqimi oʻsishda davom etadi.
"Migratsion hisobga olish sifati va uning ustidan davlat nazorati boʻyicha jiddiy savollar mavjud. Prokuratura tekshiruvlari koʻp holatlarda bu sohada jiddiy qonunbuzarliklarni aniqlamoqda. Odamlar har doim ham migratsiya sohasida belgilangan davlat xizmatlaridan, sifatli tibbiy yordamdan foydalana olmayapti. Arzon va huquqsiz xorijlik ishchi kuchini mamlakatimizga jalb etishdan foyda koʻrayotgan ishbilarmonlar hamon bor", - dedi Medvedev.
Yangiliklar lentasi
0