Iqtisod

Naqd pulsiz hisob-kitob qilgan isteʼmolchilar ragʻbatlantirilishi mumkin

© Sputnik / Aleksandr KryajevPlatejnыy terminal dlya bankovskoy kartы, arxivnoye foto
Platejnыy terminal dlya bankovskoy kartы, arxivnoye foto - Sputnik Oʻzbekiston, 1920, 19.01.2022
Obuna boʻlish
Yandex newsTelegram
“Isteʼmolchilarning huquqlarini himoya qilish toʻgʻrisida”gi qonunga qoʻshimcha va oʻzgartishlar kiritildi.
TOSHKENT, 19 yanv — Sputnik. Tovarlar uchun haq toʻlash shakliga qarab (naqd pulli yoki naqd pulsiz) tovar narxini oshirish yoki pasaytirish taqiqlanadi. Tovarlar (ishlar, xizmatlar) uchun naqd pulsiz haq toʻlanganda, isteʼmolchilarga ragʻbatlantirishlar berilishi mumkin. Bu prezident imzolagan “Isteʼmolchilarning huquqlarini himoya qilish toʻgʻrisida”gi qonunga qoʻshimcha va oʻzgartishlar kiritish toʻgʻrisidagi qonunda koʻzda tutilgan.
Kiritilgan qoʻshimchalarga muvofiq, ishlab chiqaruvchi (ijrochi, sotuvchi) haqidagi, savdo va xizmat koʻrsatish qoidalariga oid maʼlumot isteʼmolchiga davlat tilida beriladi.
Tovarda (ishda, xizmatda) nuqsonlar borligi va uning normativ talablarga muvofiq emasligi aniqlanganda, sotuvchi mazkur nuqsonlarni aniqlash uchun tekshirish oʻtkazish bilan bogʻliq xarajatlarni toʻliq qoplashi kerak.
Barcha terminallar “Humo” va “Uzcard” kartalarini qabul qiladi
Qonun bilan tovarlarni axborot tizimlari orqali realizatsiya qilishda isteʼmolchi huquqlarini himoya qilish tartibi belgilandi.
Unga koʻra, axborot tizimlari orqali tuzilgan shartnoma bekor qilinganda, sotuvchi isteʼmolchiga tovarni qaytarib berish joyi toʻgʻrisida xabar berishi kerak.
Isteʼmolchining aybisiz yetkazilgan shikastlantirishlar, shuningdek tovarni koʻzdan kechirish va uni tekshirib koʻrish maqsadida qadogʻini ochish sababli tovar qiymatining pasayishi isteʼmolchini shartnomani bekor qilish huquqidan mahrum etmaydi.
Yangiliklar lentasi
0