Madaniyat

“Xasta boʻlma”: Yulduz Usmonovaning apellyatsiya shikoyati qanoatlantirilmadi

© Sputnik / Ramiz BaxtiyarovNarodnaya artistka Uzbekistana Yulduz Usmanova
Narodnaya artistka Uzbekistana Yulduz Usmanova - Sputnik Oʻzbekiston, 1920, 19.01.2022
Obuna boʻlish
Yandex newsTelegram
Yulduz Usmonova "Xasta boʻlma" qoʻshigʻining sheʼri muallifi Roʻziyevga tovon puli toʻlashi boʻyicha sud qarori oʻzgartirishsiz qoldirildi.
TOSHKENT, 19 yanv — Sputnik. Yulduz Usmonova "Xasta boʻlma" qoʻshigʻining sheʼri muallifiga tovon puli toʻlashi boʻyicha sud qarori oʻzgartirishsiz qoldirildi.
2021 yil 20 sentyabr kuni fuqarolik ishlari boʻyicha Mirzo Ulugʻbek tumanlararo sudiga daʼvogar Y. Roʻziyev javobgar YU. Usmanovaga nisbatan “Xasta boʻlma” qoʻshigʻining sheʼr muallifi sifatida mualliflik huquqlari buzilishiga chek qoʻyish, mualliflik huquqlari buzilganligi uchun tovon puli va maʼnaviy zarar undirish haqidagi daʼvo arizasi bilan murojaat qilgandi.
29 oktyabr kuni qabul qilingan hal qiluv qarori bilan daʼvo ariza qisman qanoatlantirilib, YU. Usmanovadan daʼvogar Y. Roʻziyevga 50 000 000 soʻm maʼnaviy zarar uchun kompensatsiya, bazaviy hisoblash miqdorining 500 barobar miqdorida yetkazilgan zarar hisobiga tovon puli undirish belgilangan.
18 yanvar kuni Toshkent shahar sudi fuqarolik ishlari boʻyicha sudlov hayʼati tomonidan apellyatsiya shikoyatini koʻrib chiqish boʻyicha sud jarayoni tugadi. Sudning ajrimiga koʻra, daʼvogar Y. Roʻziyevning javobgar YU. Usmanovaga nisbatan mualliflik huquqlari buzilishiga chek qoʻyish, mualliflik huquqlari buzilganligi uchun tovon puli va maʼnaviy zarar undirish haqidagi daʼvo arizasi yuzasidan chiqarilgan fuqarolik ishlari boʻyicha Mirzo Ulugʻbek tumanlararo sudining 2021 yil 29 oktyabrdagi hal qiluv qarori oʻzgarishsiz, apellyatsiya shikoyati qanoatlantirilmasdan qoldirildi.

Apellyatsiya tartibida koʻrilgan hal qiluv qarori hamda apellyatsiya instantsiyasi sudining ajrimi ustidan Oliy sudning fuqarolik ishlari boʻyicha sudlov hayʼatiga apellyatsiya instantsiyasi sudining ajrimi qabul qilingan kundan eʼtiboran bir yil ichida kassatsiya shikoyati (protest) berilishi mumkin.
Yangiliklar lentasi
0