Jamiyat

"Vaqf" xayriya fondi 2021 yil uchun hisobot berdi

© Fond "Vakf"Saidabror Umarov - rukovoditel press-slujbq fonda "Vakf"
Saidabror Umarov - rukovoditel press-slujbq fonda Vakf - Sputnik Oʻzbekiston, 1920, 20.01.2022
Obuna boʻlish
Yandex newsTelegram
Oʻtgan yil daovmida "Vaqf" xayriya fondi mablagʻlari asosan nimalarga sarflangani haqida batafsil maʼlumot berildi.
TOSHKENT, 20 yanv - Sputnik. Oʻzbekiston musulmonlari idorasi huzuridagi “Vaqf” xayriya jamoat fondi 2021 yilda qariyb 70 milliard soʻm mablagʻni xayriyaga sarfladi, deb xabar qildi 19 yanvar kuni AOKAda boʻlib oʻtgan brifingda fond matbuot xizmati rahbari Saidabror Umarov.
2021 yilda fond tomonidan xayriya, zakot, vaqf mulklari, ziyoratgohlar, diniy tashkilotlar va aktsiyalar orqali kelib tushgan mablagʻlar hamda homiylar va hamkor tashkilotlar tomonidan taqdim etilgan moddiy koʻrinishdagi ehsonlar bilan qoʻshib hisoblaganda jami 69 milliard 22 ming 690 soʻmdan ziyod mablagʻ xayriya sifatida sarflandi.
Vaqf fondi hisobotiga koʻra, eng yirik xarajatlar quyildagilar:
53 % - 36,7 mlrd - Masjidlar va ziyoratxonalar xodimlariga
14,4% - 10 mlrd - Diniy soha xodimlari va oʻqituvchilariga
11% - 7,5 mlrd - Diniy taʼlim muassalar, oʻqituvchi va talabalarga
9,9% - 6,8 mlrd - Nochor, koʻmakka muhtoj fuqarolarga moddiy yordam
5,2% - 3,6 mlrd - Imkoniyati cheklangan shaxslarga
4,1% - 2,8 mlrd - Xayriya tadbirlari va maʼmuriy xarajatlar
1,3% - 932 mln - Masjidlar qurilishi uchun
0,4% - 290 mln. - Aholini toza ichimlik suvi bilan taʼminlashga
0,1% - 90 mln. - Musulmonlar idorasi kutubxonasini boyitish uchun
Hisobotda aytilishiga koʻra, oʻtgan yil davomida Qoraqalpogʻistonnig ichimlik suvi tanqis boʻlgan hududlari uchun 76 ta, Qashqadaryoda 2 ta va Surxondaryoda 1 ta, artezian va minorali suv inshootlari barpo etilgan.
Shuningdek, “Vaqf koʻmagi” loyihasi doirasida 4 ta viloyatning qandolatchilik, tikuvchilik va hunarmandlik kasbiga ega ijtimoiy koʻmakka muhtoj oilalarning 103 nafariga kerakli asbob-anjomlar xayriya qilingan.
Eslatib oʻtamiz, "Vaqf" fondi 2018 yilda prezident farmonia asosida tashkil qilingan. Fondning asosiy maqsadlari - diniy-maʼrifiy sohaga yordam berish, masjid, madrasa va ziyoratgohlarimizni obod qilish, imom-xatib, noiblar, mudarrislar va talabalarga moddiy-maʼnaviy koʻmak berish.
Yangiliklar lentasi
0