Siyosat

Prezident “prava”ni oʻqitmasdan berganlik uchun jazoni kuchaytirishni topshirdi

Shavkat Mirziyoyev - Sputnik Oʻzbekiston, 1920, 26.01.2022
Obuna boʻlish
NovostiTelegram
Shavkat Mirziyoyevning soʻzlariga koʻra, haydovchilik guvohnomasini oʻqimasdan olish oddiy holga aylanib qolgan. Shuning uchun avariyalar soni soat sayin oshib bormoqda.
TOSHKENT, 26 yanv — Sputnik. Prezident Shavkat Mirziyoyev oʻqitmasdan va oʻrgatmasdan haydovchilik guvohnomasini berish uchun jazoni kuchaytirish yuzasidan taklif kiritish topshirigʻini berdi.
Davlat rahbarining soʻzlariga koʻra, umuman, haydovchilik guvohnomasini oʻqimasdan olish oddiy holga aylanib qolgan. Shuning uchun avariyalar soni soat sayin oshib bormoqda.

“Biz oʻqiganimizda 3 yil haydovchilikka oʻqitgan. Hozir darsga bormay pul berib guvohnoma olyapti. Nimaga? Oʻzbekistonda qonun yoʻqmi?”, - dedi prezident kengaytirilgan videoselektor yigʻilishida.

Bu muammoni bartaraf qilish uchun mutasaddilarga, avvalo, oʻqitish tizimini tubdan takomillashtirish, ikkinchidan, oʻqitmasdan va oʻrgatmasdan guvohnoma berish jinoyatiga qarshi jazoni kuchaytirish boʻyicha qonunchilikka qoʻshimcha kiritish yuzasidan taklif kiritish topshirigʻi berildi.
Yoʻllarda xavfsiz harakatlanishga sharoit yaratish, avariya va oʻlim holatlarini keskin qisqartirish, buning uchun harakatni boshqarishni toʻliq raqamlashtirish zarurligi koʻrsatildi.
Shu munosabat bilan Ichki ishlar, Adliya vazirliklari, Bosh prokuraturaga aniq topshiriqlar berildi.
Komil Allamjonov mast holda mashina haydaganlarni 15 sutkaga qamashni taklif qildi
Yangiliklar lentasi
0