Jamiyat

Kommunal xizmat imtiyozlari oʻrniga pul beriladi - prezident qarori

CC0 / Unsplash / Cristian Newman / Ruki pojiloy jenщinы
Ruki pojiloy jenщinы - Sputnik Oʻzbekiston, 1920, 29.01.2022
Obuna boʻlish
Yandex newsTelegram
Keksa yoshli, oʻzgalar parvarishigi muhtoj shaxslarga kompensatsiya toʻlovlari toʻlanadi.
TOSHKENT, 29 yanv - Sputnik. Birinchi martdan boshlab uy-joy kommunal xizmatlar boʻyicha toʻlov uchun imtiyozga ega boʻlgan shaxslarga kompensatsiya toʻlovi joriy etiladi.
Bu haqida 28 yanvar kuni imzolangan “Aholinnig ijtimoiy himoyaga muhtoj toifalarini moddiy qoʻllab-quvvatlash tizimini yanada takomillashtirish toʻgʻrisida”gi 58-sonli prezident farmonida aytib oʻtilgan.
Farmonga koʻra, 2022 yil 1 martdan:
uy-joy kommunal xizmatlar haqini toʻlash boʻyicha imtiyozlar oʻrniga oylik kompensatsiya pul toʻlovlari, uni olish huquqiga ega boʻlgan barcha imtiyozli toifadagi shaxslarga, ushbu shaxslarning pensiya (ijtimoiy nafaqa) olishi yoki olmasligi hamda mehnat faoliyatini olib borishi yoki olib bormasligidan qatʼi nazar toʻlab boriladi;
ijtimoiy nafaqa oluvchi oʻzgalar parvarishiga muhtoj yolgʻiz shaxslarga kompensatsiya toʻlovi joriy etiladi. Bunda, har oylik kompensatsiya toʻlovi – pensiyani hisoblashning bazaviy miqdorining 45 foizi (130 050 soʻm) miqdorida toʻlanadi.
Yoshi 100 ga toʻlgan va undan oshgan ijtimoiy nafaqa oluvchi shaxslar uchun har oyda – pensiyani hisoblashning bazaviy miqdorining 100 foizi (289 ming soʻm) miqdorida qoʻshimcha toʻlov belgilanadi.
Bunda, qoʻshimcha toʻlov pentsiya va nafaqa tayinlangan tashkilot orqali respublika byudjeti va byudjetdan tashqari Pensiya jamgʻarmasi mablagʻlari hisobidan moliyalashtiriladi.
Yangiliklar lentasi
0