Mirziyoyev Pekin-2022 Olimpiya o‘yinlarining ochilish marosimida ishtirok etadi

© Sputnik / Anna Ratkoglo / Mediabankka o‘tishPodgotovka Pekina k Olimpiade - 2022
Podgotovka Pekina k Olimpiade - 2022 - Sputnik O‘zbekiston, 1920, 30.01.2022
Obuna bo‘lish
Xitoy raisi Si Szinpin taklifiga binoan, 4-fevral kuni qishki Olimpiada ochilish marosimida qator xorijiy davlatlar rahbarlari ishtirok etadi.
TOShKENT, 30 yanv — Sputnik. Markaziy Osiyo davlatlari rahbarlari, shu jumladan, Shavkat Mirziyoyev ham Xitoyning Pekin shahrida bo‘lib o‘tadigan 2022-yilgi qishki Olimpiya o‘yinlarining ochilish marosimida ishtirok etadi. Bu haqda "Dunyo" axborot agentligi xabar qilmoqda.
Xabarda yozilishicha, Xitoy raisi Si Szinpin taklifiga binoan, 4-fevral kuni qishki Olimpiada ochilish marosimida xorijiy davlatlar va hukumatlar, yetakchi xalqaro tashkilotlar rahbarlari ishtirok etadi.
"Sinxua" axborot agentligi ma’lumotiga ko‘ra, Xitoy rahbari 4—6 fevral kunlari Pekinda xorijiy davlatlar yetakchilari, hukumat rahbarlari, qirollik oilalari a’zolari va xalqaro tashkilotlar rahbarlari sharafiga qabul marosimi o‘tkazadi.
Mehmonlar orasida Rossiya, Singapur, Qozog‘iston, Qirg‘iziston, Tojikiston, Turkmaniston, O‘zbekiston, Misr, Polsha, Argentina rahbarlari, Kambodja qiroli, Qatar amiri, Saudiya Arabistoni valiahd shahzodasi, boshqa qator davlatlar yetakchilari, Xalqaro olimpiya qo‘mitasi prezidenti Tomas Bax, BMT Bosh kotibi Antoniu Guterrish, Jahon sog‘liqni saqlash tashkiloti bosh direktori Tedros Gebreyesus bor.
Eslatib o‘tamiz, XXIV qishki Olimpiya o‘yinlari Pekinda 2022-yilning 4-20 fevral kunlari bo‘lib o‘tadi. Olimpiada O‘zbekiston sharafini 24 yoshli tog‘ chang‘ichi Komiljon To‘xtayev himoya qiladi.
Yangiliklar lentasi
0