Parvarishga muhtoj yolg‘iz pensionerlarga 36,4 mlrd so‘m ajratiladi

© Sputnik / Ramiz BaxtiyarovNatsionalnaya valyuta Uzbekistana — sum
Natsionalnaya valyuta Uzbekistana — sum - Sputnik O‘zbekiston, 1920, 01.02.2022
Obuna bo‘lish
Parvarishga muhtoj yolg‘iz pensionerlarga kompensatsiya to‘lovi uchun budjetdan 36,4 mlrd so‘m ajratiladi.
TOShKENT, 1 fev — Sputnik. Parvarishga muhtoj yolg‘iz pensionerlar va 100 yoshdan oshgan fuqarolarga kompensatsiya to‘lovi uchun budjetdan 36,4 mlrd so‘m ajratiladi.
AOKAda bo‘lib o‘tgan brifingda Budjetdan tashqari pensiya jamg‘armasi bo‘lim boshlig‘i Davron Pozilov ijtimoiy himoyaga muhtoj aholini moddiy qo‘llab-quvvatlashga oid prezident farmoniga sharh berdi.
Hozirga qadar 5 turdagi imtiyozli toifaga ega salkam 70 ming fuqaroga uy-joy kommunal xizmatlari xarajatlarini qisman qoplash uchun kompensatsiya pullari to‘lab kelingan.
Prezident farmoniga ko‘ra, joriy yil 1-martdan e’tiboran yana 30 ming nafar o‘zgalar parvarishiga muhtoj yolg‘iz nafaqa oluvchiga ham 130 ming so‘m miqdorida kompensatsiya to‘lovi joriy qilinadi.
Shuningdek, 100 yoshga to‘lgan va undan oshgan pensionerlarga har oy 289 ming so‘m miqdorida qo‘shimcha to‘lov amalga oshiriladi.
Yangiliklar lentasi
0