Rossiya

Rossiyada COVID-19 bemorlari bilan muloqotda boʻlganlar uchun karantin bekor qilindi

Omikron - Sputnik Oʻzbekiston, 1920, 05.02.2022
Obuna boʻlish
Yandex newsTelegram
Rossiyada koronavirus tasdiqlangan kishilar bilan muloqotda boʻlganlar uchun karantin bekor qilinishini 3 fevral kuni maʼlum boʻlgan edi.
TOSHKENT, 5 fev — Sputnik. Rossiyada koronavirusga chalinganlar bilan muloqotda boʻlganlar uchun oʻzini yakkalash tartibi bekor qilinmoqda. Rossiya bosh sanitar shifokorining tegishli qarori huquqiy axborot internet portalida eʼlon qilingan.
Qarorning avvalgi matnidagi koronavirus bilan muloqot qilganlarning karantinda boʻlish kerakligi toʻgʻrisidagi bandi yangi qaror bilan oʻz kuchini yoʻqotgan.
Hujjat 6 fevraldan kuchga kiradi.
Rossiyada COVID-19ga chalinganlar bilan muloqotda boʻlganlar uchun karantin bekor qilinishini Rospotrebnadzor rahbari Anna Popova 3 fevral kuni maʼlum qilgan edi. U bu qarorni juda tez yuqadigan va koʻpincha kasallik yengil va belgilarsiz oʻtadigan koronavirusning omikron shtammi tarqalishi bilan tushuntirgan edi. Yanvar oyida bunday kishilar uchun karantin ikki haftadan bir haftagacha qisqartirilgan edi.
Oʻzbekiston hukumati ham 7 fevraldan boshlab omikron shtammining yashirin davri qisqaligini inobatga olib, koronavirus tasdiqlangan bemor bilan muloqotda boʻlgan shaxslarning karantin muddatini 14 kundan 7 kungacha qisqartirishga qaror qilgan.

Mavzuga oid:

Moskvada COVID-19 bemorlarini davolash muddati qisqartirildi
Koronavirus oʻpka ichiga kirib olish xususiyatini yoʻqotdi - Popova
Yangiliklar lentasi
0