Jamiyat

OTMlarda kontrakt toʻlash muddati uzaytirildi

© Sputnik / Ramiz BaxtiyarovNatsionalnaya valyuta Uzbekistana — sum
Natsionalnaya valyuta Uzbekistana — sum - Sputnik Oʻzbekiston, 1920, 07.02.2022
Obuna boʻlish
NovostiTelegram
Vazirlik xabariga koʻra, qaror koʻpchilik abituriyentlar va ularning ota-onalarining murojaatlarini inobatga olgan holda qabul qilingan.
TOSHKENT, 7 fev — Sputnik. Oʻzbekiston OTMlarida kontrakt toʻlovlari muddati 1 martgacha uzaytirildi.
Oliy va oʻrta maxsus taʼlim vazirligi xabariga koʻra, bu qaror koʻpchilik abituriyentlar va ularning ota-onalari, shuningdek, oliy va professional taʼlim muassasalarining murojaatlarini inobatga olgan holda qabul qilingan.
“2021/2022-oʻquv yilida oliy va professional taʼlim muassasalari talaba va oʻquvchilar oʻqishi uchun kontrakt miqdorini toʻlashning soʻnggi muddati 2022 yilning 1 marti etib belgilandi”, - deyilgan xabarda.
Ushbu muddat quyidagilar:
toʻlov-kontrakt asosida oliy taʼlim muassasalariga talabalikka (magistratura, bakalavr) tavsiya etilganlar;
toʻlov-kontrakt asosida professional taʼlim muassasalari (texnikum, kollej)ga oʻquvchilikka tavsiya etilganlar;
tabaqalashtirilgan toʻlov-kontrakt asosida talabalikka tavsiya etilganlar;
oʻqishi koʻchirilgan (koʻchirib tiklangan) va qayta tiklangan talabalar uchun amal qiladi.
Eslatib oʻtamiz, 1 yanvardan qator davlat OTMlariga kontrakt narxini mustaqil belgilash huquqi berilgan.
Yangiliklar lentasi
0