Sport

Oʻzbekistonlik dzyudochilar “Katta dubulgʻa” musobaqasida uchta medalni qoʻlga kiritishdi

© Foto: Federatsiya dzyudo UzbekistanaSbornaya Uzbekistana po dzyudo zavershila turnir "Bolshogo shlema" 3 bronzovыmi medalyami
Sbornaya Uzbekistana po dzyudo zavershila turnir Bolshogo shlema 3 bronzovыmi medalyami - Sputnik Oʻzbekiston, 1920, 07.02.2022
Obuna boʻlish
Yandex newsTelegram
Parijdagi nufuzli musobaqada 5 nafar oʻzbekistonlik dzyudochilari ishtirok etdi.
TOSHKENT, 7 fev — Sputnik. Oʻzbekiston terma jamoasi Parij “Katta dubulgʻa” musobaqasini uchta medal bilan yakunladi. Bu haqda mamlakat dzyudo federatsiyasi matbuot xizmati xabar qildi.
Ikki kun davom etgan nufuzli musobaqada 5 nafar oʻzbekistonlik dzyudochilari ishtirok etgan
Turnirning ikkinchi kuni Sharofiddin Boltaboyev (-81 kg) bronza medali uchun kechgan bellashuvda kanadalik Fransis Gautiyerga qarshi tatamiga chiqdi va raqibini qoʻshimcha boʻlimda magʻlubiyatga uchratdi.
Tokio Olimpiadasi sovrindori Davlat Bobonovning (-90 kg) raqibi gruziyalik Beka Griniashvili yarim finalda taqiqlangan harakat uchun xansoke, yaʼni jazo olgani uchun tatamiga chiqmadi. Natijada gʻalaba oʻz oʻzidan Bobonovga berildi.
Muzaffarbek Toʻraboyev (-100 kg) bronza medali uchun kechgan bellashuvda niderlandiyalik tajribali raqib Mixayel Korrelni ippon bahosi evaziga magʻlubiyatga uchratdi.
Dzyudochilar 500 reyting ochkosiga ham ega boʻlishgan.
Oʻzbekiston medallar jamgʻarish boʻyicha umumjamoa hisobida 10-oʻrinni egalladi. Yaponiya terma jamoasi 7 ta oltin, 5 ta kumush, 6 ta bronza medali bilan birinchi boʻldi. Frantsiyaliklar 3 ta oltin, 1 ta kumush, 7 ta bronza bilan ikkinchi oʻrinni band etishgan boʻlsa, kuchli uchlikni Moʻgʻiliston dzyudochilari 2 ta oltin, 1 ta kumush va 1 ta bronza medali bilan yakun yasashdi.
Yangiliklar lentasi
0