Samarqand viloyati – yanvar oyida eng koʻp tugʻilish boʻyicha yetakchi

Detskiye nojki v rukax materi - Sputnik Oʻzbekiston, 1920, 09.02.2022
Obuna boʻlish
NovostiTelegram
Yanvar oyida respublika boʻyicha 69 198 tirik chaqaloq dunyoga kelgan. Eng kam tugʻilish Sirdaryo va Navoiy viloyatlarida qayd etilgan.
TOSHKENT, 9 fev — Sputnik. 2022 yilning yanvar oyida respublika boʻyicha 69 198 ta tirik tugʻilish holatlari qayd etilgan. Bu koʻrsatkich oʻtgan yilning mos davri bilan solishtirilganda 6918 taga koʻp. Bundan Davlat statistika qoʻmitasining dastlabki maʼlumotlari darak bermoqda.
Yangi yilning birinchi oyida eng koʻp tugʻilish Samarqand viloyatida - 8516 ta kuzatilgan. Keyingi yuqori oʻrinlarda Fargʻona (7528), Qashqadaryo (7417), Andijon (6249), Surxondaryo (6060) va Namangan (6046) viloyatlari.
Toshkent shahrida 5864 ta, Toshkent viloyatida esa 4184 ta tugʻilish qayd etilgan. Qoraqalpogʻiston Respublikasi (3408), Buxoro (3493), Jizzax (3198) va Xorazm viloyatlari (3386) quyi pogʻonalardan oʻrin olgan.
Eng kam tugʻilish Sirdaryo (1915) va Navoiy (1934) viloyatlarida qayd etilgan.
Eslatib oʻtamiz, Oʻzbekistonning doimiy aholisi soni 2022 yil 1 yanvar holatiga koʻra 35,2 million kishini tashkil etgan. Shundan 17,5 million nafari ayollar, 17,7 million nafari erkaklar.
Oʻzbekistonda Yangi - 2022 yilning birinchi sutkasida 2316 nafar chaqaloq dunyoga kelgan edi. Bu soʻnggi besh yildagi eng yuqori koʻrsatkich.
Yangiliklar lentasi
0