Jamiyat

“Oʻzbekiston – ajoyib mamlakat!” – rossiyalik blogerning voqealardan keyingi intervyusi

© Maksim Lыmar / InstagramMaksim Lыmar
Maksim Lыmar - Sputnik Oʻzbekiston, 1920, 10.02.2022
Obuna boʻlish
Yandex newsTelegram
7 fevral kuni Buxoroda uy qamogʻidan ozod qilingan rossiyalik bloger Maksim Limar uyiga qaytib ketdi va Sputnik nashriga Oʻzbekistondagi sayohatdan olgan taassurotlari haqida eksklyuziv intervyu berdi.
TOSHKENT, 10 fev — Sputnik. Ilgari Buxoro aeroportida roʻyxatdan oʻtkazilmagan kvadrokopter bilan ushlangan va uy qamogʻida boʻlgan rossiyalik bloger Maksim Limar 9 fevral kuni uyi, Novosibirskka qaytib ketdi. Uyga qaytishi bilan Limar Sputnik muxbiri bilan suhbatlashdi va Oʻzbekistonga qilgan sayohatidan olgan taassurotlari haqida ilk marotaba soʻzlab berdi.
Uchuvchisiz uchadigan qurilma bilan bogʻliq voqeaga qaramasdan, Maksim Limar sayohat yaxshi boʻlib oʻtdi deb hisoblaydi. Zero Oʻzbekistonda koʻrishga arzigulik joylar talaygina.
“Oldindan hech qanday rejalar (suratga olish – Sputnik) tuzmagandim. Shunchaki mamlakat boʻylab sayohatimning rolik turkumlari boʻladi. Men shaharlar boʻylab sayr qildim va menga oʻzgacha va qiziq boʻlgan narsalarni suratga oldim”, - deydi u.
Safar davomida Maksim Limar Toshkent, Samarqand va Buxoroga tashrif buyurishni rejalashtirgan va qoʻlga olinguniga qadar har uchala shaharni koʻrishga muvaffaq boʻlgan.
“Xohlagan narsalarim tavsirga oldim va hatto koʻproq ham. Albatta, borishni istagan boshqa shaharlarim ham bor edi, masalan, Fargʻona, Xiva, Andijon”, - deydi rossiyalik bloger. Biroq aniqlik kiritdiki, yaqin orada Oʻzbekistonga qaytishi dargumon, chunki dron bilan bogʻliq voqeaning asari baribir qolgan.
Shunga qaramasdan unga mamlakat juda maʼqul qilgan.
“Oʻzbekiston – juda ajoyib mamlakat. Oʻzbekiston aholisiga qoʻllab-quvvatlaganlari uchun alohida minnatdorchilik bildirmoqchiman. Kutilmagan va juda yoqimli edi. Tashakkur!”, - deb Maksim oʻzbekistonliklarning ijtimoiy tarmoqlardagi postlariga munosabat bildirdi. Foydalanuvchilarning koʻpchiligi bloger mamlakat uchuvchisiz uchadigan qurilmani olib kirish qoidalarini tekshirib koʻrmasdan xato qilgan, deb hisoblashdi, ammo, ularning fikricha, shu bilan birga u hech qanday yomon ish qilmagan.
Limarning aniqlik kiritishicha, Buxoro aeroportida qoʻlga olinishiga sababchi boʻlgan kvadrokopterni qoldirib kelishga toʻgʻri kelgan. Bloger yangi dronni kraudfandingyordamida xarid qilishni rejalashtirgan.
Eslatib oʻtamiz, rossiyalik bloger Buxoro aeroportida chegara nazoratidan oʻtayotgan paytda roʻyxatdan oʻtkazilmagan kvadrokopter sabab ushlangan edi.
Bu qoidabuzarlik uchun mamlakat qonunchiligida 3 yilgacha ozodlikdan mahrum qilish jazosi koʻzda tutilgan. Ammo sayohatchi bloger 7 fevral kuni ozod qilindi. Bunda rossiyalik diplomatlarning hissasi ham boʻldi.
Oʻzbekistondagi Rossiya elchixonasining matbuot kotibi Dmitriy Danilovning maʼlum qilishicha, blogerga nisbatan hech qanday jiddiy chora koʻrilmagan.
"Qoʻrqinchli hech narsa sodir boʻlmadi. Oʻzbekiston avvalgiday mehmondoʻst va sayyohlar uchun ochiq mamlakat boʻlib qolmoqda. Lekin kelishdan oldin hech boʻlmasa ushbu mamlakat qonunchiligi bilan ozgina boʻlsada tanishish kerak. Ayniqsa, siz jurnalistika yoki blogerlik faoliyati bilan shugʻullanmoqchi boʻlsangiz" - dedi Danilov.
Uning soʻzlariga koʻra, qurilmaning vazniga qaramasdan, unda surat va videoga oladigan moslamalar oʻrnatilgan. Shu sababli u roʻyxatdan oʻtkazilishi shart edi. Avvalroq “Oʻzaviatsiya” ham shunday tushuntirish bergan edi.
Oʻzbekistonda 2015 yil 1 yanvardan boshlab uchuvchisiz uchadigan apparatlarni olib kirish, sotish va ulardan foydalanish toʻliq taqiqlangan edi.
2016 yil may oyidan uchuvchisiz qurilmalarni olib kirish uchun maxsus ruxsatnoma olish tartibi joriy etilgan.
2019 yilning noyabr oyidan boshlab esa Oʻzbekiston qonunchiligida uchuvchisiz apparatlarni olib kirish, saqlash, sotish va foydalanish uchun 3 yilgacha qamoq jazosi joriy etilgan.

Mavzuga oid:

Buxoroda ushlangan Rossiya fuqarosiga hech qanday tayziq oʻtkazilmagan – Bojxona xizmati
Buxoroda qoʻlga olingan Rossiya fuqarosi uy qamogʻidan ozod qilindi
Kvadrokopter bilan ushlangan rossiyalik blogerga qanday chora koʻrildi?
Yangiliklar lentasi
0