Jamiyat

Vazir uzr soʻrashga majburlangan andijonlik oʻqituvchilar bilan uchrashdi

© Xalq taʼlimi vazirligi matbuot xizmatiXalq taʼlimi vaziri Baxtiyor Saidov marhamatlik oʻqituvchilar bilan uchrashdi
Xalq taʼlimi vaziri Baxtiyor Saidov marhamatlik oʻqituvchilar bilan uchrashdi - Sputnik Oʻzbekiston, 1920, 13.02.2022
Obuna boʻlish
NovostiTelegram
Xalq taʼlimi vaziri Baxtiyor Saidov: oʻqituvchini xafa qilishga hech kimning haqqi yoʻq. Oʻqituvchi qadrlanmagan yurtning ertasi boʻlmaydi.
TOSHKENT, 13 fev — Sputnik. Xalq taʼlimi vaziri Baxtiyor Saidov Marhamat tumanida ota-onalar oldida uzr soʻrashga majbur qilingan oʻqituvchilar bilan uchrashish maqsadida Andijon viloyatiga bordi.
Vazir oʻqituvchilar bilan suhbatlashib, ularning ruhiyatini koʻtardi. Bugun ularning obroʻsi va qadr-qimmati davlat siyosati darajasidagi muhim masala ekanligi va ularni obroʻsizlantirishga hech kim haqli emasligini qayd etdi. U yuz bergan holatni ustoz shaʼnini yerga urish deb baholadi.

“Yurtboshimiz Shavkat Mirziyoyev oʻqituvchilarni ulugʻlash masalasini davlat siyosatining eng yuqori darajasiga olib chiqib, oʻqituvchi jamiyatimizning eng hurmatli insoni boʻlishi ekanligini doimiy ravishda taʼkidlab kelmoqda. Shunday ekan, oʻqituvchini xafa qilishga hech kimning haqqi yoʻq. Oʻqituvchi qadrlanmagan yurtning ertasi boʻlmaydi. Shunday ekan, bugun har birimiz, hattoki oʻqituvchilarning oʻzi ham shaʼni va obroʻsini oshirish uchun harakat qilishi zarur”, — dedi Baxtiyor Saidov oʻqituvchilar bilan uchrashuv chogʻida.

Uchrashuv soʻngida oʻqituvchilarning fikrlarini tinglagan vazir ular bilan maslahatlashgan holda mazkur holatga yoʻl qoʻygan mutasaddilarga albatta chora koʻrilishini alohida qayd etdi.
Qayd etish joizki, Xalq taʼlimi vazirligi Marhamat tumanidagi holat yuzasidan oʻrganish natijalariga qonuniy baho berish uchun hujjatlar toʻplamini Bosh prokuraturaga yuborgan.

Mavzuga oid:

Andijonda oʻqituvchilarning ota-onalardan uzr soʻrashi: voqeaga qanday munosabat bildirilmoqda
Yangiliklar lentasi
0