Siyosat

Erdogʻan mart oyida Toshkentga tashrif buyurishni rejalashtirmoqda

© Press-slujba prezidenta UzbekistanaShavkat Mirziyoyev i Redjep Erdogan podpisali ryad sovmestnыx dokumentov
Shavkat Mirziyoyev i Redjep Erdogan podpisali ryad sovmestnыx dokumentov - Sputnik Oʻzbekiston, 1920, 14.02.2022
Obuna boʻlish
NovostiTelegram
Turkiya prezidentining Oʻzbekistonga kelish rejasi borligi Turkiy davlatlar tashkiloti Oqsoqollar kengashi aʼzolari bilan uchrashuv davomida maʼlum boʻldi.
TOSHKENT, 14 fev — Sputnik. Turkiya prezidenti Rajab Toyyib Erdogʻan joriy yil mart oyi oxirlarida Toshkentga tashrif buyurishni rejalashtirmoqda. Bu haqda u Turkiy davlatlar tashkiloti (TDT) Oqsoqollar kengashi aʼzolarini qabul qilish chogʻida maʼlum qildi.
Istanbuldagi "Vahdetdin" qarorgohida uchrashuvda tashkilotga aʼzo mamlakatlar oʻrtasidagi koʻp qirrali hamkorlik munosabatlarini yanada mustahkamlash muhim ahamiyat kasb etishi taʼkidlangan.
Oqsoqollar kengashining aʼzosi B.Sayfullayev Oʻzbekiston yetakchisi Shavkat Mirziyoyevning siyosiy irodasi bilan Markaziy Osiyoda muhit tomoman yangilanib, yaxshi qoʻshnichilik aloqalari tiklangani, TDTga aʼzo davlatlar bilan mustahkam birodarlik rishtalari bogʻlaganini bildirgan.
“Bu fikrni Erdoʻgʻan Janobi Oliylari qoʻllab-quvvatlab, joriy yil mart oyi oxirlarida Toshkentga borishni rejalashtirayotgani, kuzda Oʻzbekistonda boʻlib oʻtishi kutilayotgan Turkiy davlatlar tashkiloti sammiti ushbu Tashkilot faoliyatini yangi bosqichga olib chiqishda muhim ahamiyat kasb etishiga ishonishini bildirdi”, - deyiladi Senat xabarida.
Oʻzbekistonda turkiyalik tadbirkorla ishtirokidagi korxonalar 1 912 tani tashkil etadi. Mamlakatdagi qoʻshma korxonalar soni boʻyicha Rossiya yetakchi (2 313 ta).
Yangiliklar lentasi
0