Rossiya

Rossiyada raqamli rublni sinovdan oʻtkazish boshlandi

© Depositphotos / Aleksandrasova Finansovыy znak rublya na tsifrovom fone
Finansovыy znak rublya na tsifrovom fone - Sputnik Oʻzbekiston, 1920, 15.02.2022
Obuna boʻlish
NovostiTelegram
Rossiya Banki va bozorning bir necha ishtirokchilari orasida raqamli rublda ilk operatsiyalarni amalga oshirishdi.
TOSHKENT, 15 fev — Sputnik. Rossiya banklari raqamli rubl platformasini sinovdan oʻtkazishni boshlashdi, deb xabar qilmoqda Rossiya Markaziy banki matbuot xizmati.

"Fuqarolari orasida raqamli rublda dastlabki pul oʻtkazmalari muvaffaqiyatli amalga oshirildi", - deyilgan xabarda.

Eslatib oʻtamiz, raqamli rubl gʻoyasi ilk bor Rossiya Banki tomonidan oktyabr oyining oʻrtalarida taklif qilingan edi. Ushbu toʻlov vositasi unikal kod shaklida boʻlib, u maxsus elektron hamyonda saqlanadi va odatiy rubl kabi toʻlaqonli toʻlov vositasiga aylanadi.
Yangi platformaning prototipini yaratish 2021 yilning dekabr oyida yakunlangan edi. Uni sinovda oʻtkazsh taklifiga 12 ta bank rozi boʻldi. Bular "Ak Bars", Alfa-bank, "Dom.RF", VTB, Gazprombank, Tinkoff-bank, Promsvyazbank, Rosbank, Sberbank, SKB-bank, "Soyuz" va Transkapitalbank.
Yangi pulning sinovi yil davomida bir necha bosqichda boʻlib oʻtadi. Birinchi bosqichda raqamli rublni emissiya qilish va yana bir necha operatsiyalarni sinovdan oʻtkazish rejalashtirilgan. Kelajakda raqamli rubl bilan amalga oshirilayotgan operatsiyalar va pilot loyiha ishtirokchilari sonini oshirish rejalashtirilgan. Sinov natijalariga koʻra, raqamli rubl platformasini joriy etish "yoʻl xaritasi" ishlab chiqiladi.
Maʼlumot uchun, Rossiyada ayrim mutaxassislar raqamli rublning joriy etilishi korruptsiyaga qarshi kurashda samarali vosita boʻlishi mumkinligini bildirgan edi. Rossiya Bosh prokuraturasi ham ushbu fikrni qoʻllab-quvvatlamoqda, chunki har qanday raqamli toʻlov birligining izini kuzatib borish juda oson.
Eslatib oʻtamiz, yil boshida Rossiya Markaziy banki RF hududida kriptovalyutalarni taʼqiqlash taklifi bilan chiqqan edi. Bank xulosasiga koʻra, ushbu sohaga aholi orasida qiziqish ortib bormoqda va koʻplab fuqarolar xatarlar toʻgʻrisida toʻliq tushunchaga ega boʻlmagan holda oʻz sarmoyalarini kriptovalyuta ishlashga sarflashmoqda. Vaholanki, sohani nazorat qilish mushkul, kriptovalyuta kelajagi mavhum va xatarlar miqdori ham katta.
Bir vaqtning oʻzida Rossiya Moliya vazirligi kriptovalyutalarni taʼqilash kerak emas, faqat sohani nazorat qilish kerak deb hisoblaydi. Rossiya prezidenti Ushbu ikki moliya boshqaruv muassasalari orasida oʻzaro kelishilgan yondashuv ishlab chiqish va tezroq yagona qarorga kelishga chaqirgan edi.
Yangiliklar lentasi
0