Kolumnistlar

Soʻl elita proletariatni bostirmoqda

© AFP 2022 / Dave Chan Protestuyuщiye igrayut v ulichnыy xokkey v Ottave, Kanada
Protestuyuщiye igrayut v ulichnыy xokkey v Ottave, Kanada - Sputnik Oʻzbekiston, 1920, 19.02.2022
Obuna boʻlish
Yandex newsTelegram
Gʻarb ommaviy axborot vositalari “Ukrainadagi urush” haqida soxta xabarlar tarqatayotgan bir paytda bu mamlakatlarda sinfiy kurashning navbatdagi bosqichi boshlandi.
Ukrainadagi maynavozchilikdan farqli oʻlaroq, bu yerda hammasi biroz jiddiy: shaharlardagi minglab norozilik namoyishlari, politsiya qoʻrqitishi, repressiyalar, faollarning taʼqib qilinishi, harakatning xalqaro harakteri. Bu gal namoyishchilar “Ozodlik konvoyi” shiori ostida birlashgan.
Harakat yanvar oyi oxirida Kanadada paydo boʻlgan. Hukumatning AQSH bilan chegarasida emlanganlik sertifikatini taqdim etish va agar boʻlmasa ikki haftalik karantinga oʻtish talabi mahalliy yuk tashuvchilar noroziligiga sabab boʻlgan. Yuk mashinasi haydovchilari toʻplanib, butun mamlakat boʻylab yurish qilishgan.
23 yanvar kuni yuzlab yuk mashinalari Ottavaga norozilik bildirish uchun yoʻl oldi.
Bosh vazir Jastin Tryudo bir necha kun ketma-ket ogʻzidan koʻpik sochib, yuk tashuvchilarni qoralagan, ularni “marginallar” va “antivakserlar”yaʼni vaktsinaga qarshi chiqqanlardeya haqorat qilgan. Bosh vazir politsiya namoyishchilarni toʻxtata olishiga umid qilgan shekilli. NamoyishchilarningOttavagacha kelishi aniq boʻlgach, davlat rahbari oilasini olib, qandaydir bunkerga yashirinib oldi.
Yoʻq, albatta hamma Lukashenko boʻlolmasligi aniq.Koʻksini tutib mamlakatni himoya qilish va kalashnikov bilan yurish, albatta, Belarus bahodirining noyob qismatidir. Hatto baʼzi Saakashviliga oʻxshaganlar ham fuqarolar noroziligiga duch kelganida oʻzini anchayin dadilroq tutgan edi.
Bundan tashqari, kanadalik yuk mashina haydovchilari hech narsaga tegmasligi va hukumatni agʻdarib tashlash niyati yoʻqligini oldindan eʼlon qilgan. Ular axir Black Lives Matters yaʼni qora tanlilarning hayoti muhim emas, ularda namoyishlar nihoyatda qattiq tartib-qoidalar bilan oʻtkaziladi. Namoyishchilar ham aniq talablar bilan noroziligini bildiradi. Xullas, Tryudoning butun oilasi bilan qochishi juda xunuk koʻrindi.
Ottavaga yetib borgan haydovchilar shaharning markaziy koʻchalarida lager qurishdi. Harakat qilish, albatta, murakkabroq boʻlib chiqdi, biroq - hayratlanarlisi- shahar aholisi ularni ovqatlantirish va benzin bilan taʼminlashni boshladilar. Bir hafta davomida yuk mashinangizda oʻzingiz va oilangiz bilan yashashni tasavvur qilib koʻring. Agar shahar aholisining ommaviy qoʻllab-quvvatlovi boʻlmaganda "Ozodlik konvoyi" allaqachon yoʻq boʻlib ketgan boʻlardi. Aholi haydovchilarni yuvinib olish va uxlab dam olishi uchun uylariga taklif qilishdi, ularga koʻp oziq-ovqatlar olib kelishdi, yoqilgʻi bilan taʼminlab turishdi. Politsiya esa buyruqqa zid ravishda namoyishchilarni hibsga olish oʻrniga ularga yordam berdi.
31 yanvar kuni yuk mashinalari AQSH va Kanada oʻrtasidagi chegaraga koʻchib oʻtdi va ikki davlatni bogʻlovchi chegara oʻtish joylari, avtomobil yoʻllari va koʻpriklarni uslubiy jihatdan toʻsib qoʻydi. Ushbu qamalning iqtisodiy koʻlamini hatto tasavvur qilish qiyin. Faqat Ambassador koʻprigi orqali Qoʻshma Shtatlar Kanadaga Yaponiya bilan bir xil miqdorda tovarlarni yetkazib beradi. Shunga koʻra, Kanada biznesi uchun ham AQSH eng katta bozor hisoblanadi. Va endi bu barcha savdo aloqalari uzilib qoldi. Ammo, qanchalar gʻalati boʻlmasin, xalq haydovchilar inqilobini qoʻllab-quvvatlashda davom etdi.
31-yanvarning oʻzida harakat hisobiga toʻqqiz million (kanada)dollardan koʻproq pul kelib tushgan. Hokimiyat nima qilganini taxmin qiling endi. Toʻgʻri: ular kraudfanding platformasida toʻgʻridan-toʻgʻri yigʻilgan pulni Konvoyga oʻtkazishni taqiqlashdi.
Bundan keyin esa pinochetizm boshlandi. “Konvoy”ga xayriya qilgan fuqarolarning maʼlumotlari oshkor etildi vaommagaeʼlon qilindi. Endi esa bu shaxslarning jarimaga tortilishi va bank hisoblari bloklanishi kutilmoqda. Xayriya qilingan bir kanistr benzin uchun ham jarima va ikki yilgacha qamoq jazosi belgilangan. Allaqachon hibsga olish jarayonlari boshlangan.
Jastin Tryudo vanihoyat bunkerdan chiqdi - faqat mamlakatda favqulodda holat eʼlon qilish uchun. Bu muloyimlik bilan aytganda "favqulodda vaziyatlar toʻgʻrisidagi qonun" deb nomlanadi. Lekin mohiyatiga koʻra u qatagʻon, sudsiz oʻldirish va siyosiy raqiblarga qarshi armiyadan foydalanishni oʻz ichiga oladi. Kanada tarixidagi yagona vaqt bu qonunni oʻsha paytda mamlakat bosh vaziri boʻlgan Jastin Tryudoning otasi ham qoʻllagan. Oʻsha vaqt yaʼni 1970 yilda Kvebek otishma va portlashlar bilan Kanadadan ajralib chiqishga harakat qilgan edi.
Demokratik xorda barcha insofsiz OAVlar “Ozodlik konvoyi”ni badnom qilishmoqda. Namoyishchilar orasida darhol mizoginistlar, irqchilar, millatchilar va ajralmas oq suprematistlarni va hatto - bunga ishonish qiyin - intsellarni (jinsiy aloqa yetishmasligidan azob chekayotgan va ijtimoiy tarmoqlarda qaygʻu va hasratlarini toʻkayotgan erkaklar) “topdilar”.
Qayerdan buncha gʻazab? Axir, soʻz bilan aytganda, butun Kanada elitasi Trotskiyning oʻzidanda soʻlroq. U tenglik va ozchilikni tashkil qiladigan aholi qatlami huquqlari uchun kechayu kunduz kurashadi. Ammo endi sinfiy janglar maydoniga vayron boʻlgan va lumpenizatsiyalangan mayda burjuaziya koʻmagida asosiy mijozi klassik proletariat kirganga oʻxshaydi. Va bunda ham unga mazkur elita rotveylerlar toʻdasi kabi otilib chiqadi.
Propaganda jazavasi, albatta, qoʻrquv bilan izohlash mumkin: noroziliklar oʻzining favqulodda ijtimoiy kengligi bilan ajralib turadi. “Ozodlik konvoyi”ni oʻqituvchi va ishchilar, yogʻoch teruvchi va baliqchilar, kichik biznes egalari va fermerlar, umuman, deyarli hamma qoʻllab-quvvatlamoqda.
Biroq, emlanganlik sertifikatlari barchasiga faqat bahona. Birinchi qoʻlga ilingan voqea ekanligini aniq. Kanada emlashlar soni boʻyicha dunyoda yetakchilardan biridir. Xuddi shu yuk mashinalari haydovchilarining 85 dan 90%i emlangan.
Yoʻq, namoyishchilar ukoldan qoʻrqmaydi, gap butunlay boshqa masalada. Pandemiya baʼzi doiralar uchun odatiy turmush tarzini deyarli butunlay yoʻq qilgan va avvalgi farovonligini buzgan maʼmuriy choralarni koʻrish imkoniyatiga aylanganini ular fahmlashgan.
Mamlakat deyarli ikki yildan beri lokdaunda yashadi. Kichik biznes inqirozga uchradi. Niqob rejimi va kovid pasportlari ham qolgan barchasini tugatdi. Kanada va AQSH oʻrtasidagi harakat, barcha yuk tashuvlari hukumat qarorlari bilan sunʼiy ravishda sekinlashtirildi.
Odamlar “kovidga oid cheklovlari” ularni ishdan mahrum qilgani, yetkazib berish zanjirlarini buzgani va narxlarni koʻtarganini kuzatdi. Rasmiylar hammasida pandemiyani aybladilar, ammo ularning oʻzi shunday qarorlarni qabul qilganku. Aynan mamlakat hukumati ataylab tanqislikni yaratgan va logistikani yoʻq qilgan.
Va bularning barchasi uchun badalni oddiy fuqarolar toʻladi. Mamlakat rasmiylari inflyatsiya uchun turli raqamlarni chizib qoʻyishdi, ammo bu yerda bitta fakt: kuzda kanadaliklarning deyarli yarmi goʻsht sotib olishga imkoni yetmasligini tan olgan. Joriy yilda esanarxlar oʻsishining yangi bosqichi rejalashtirilgan.
Xuddi shu manzara kontinental Yevropa va AQShda ham kuzatilmoqda. “Ozodlik konvoyi” gʻoyasi u yerda ham tez tarqalib ketgan boʻlsa ajab emas. Shtatlarda uni respublikachilar, katta va kichik Tramplarqoʻllab-quvvatlaydi. Yevropada yuk mashinalari haydovchilari "sariq jiletlilar"ga qoʻshilishdi va ular birgalikda shaharlarni blokirovka qilishga va kovid cheklovlariga qarshi norozilik bildirishga harakat qilmoqda. Fevral oyida oʻn minglab odamlar Parij, Bryussel, Biarritse va Larnakada “bizning va sizning ozodligingiz uchun” kurash olib borishdi. “Ozodlik karvoni” aktsiyalari Avstraliyada ham, Yangi Zelandiyada ham oʻtkazilmoqda.
Rasmiylar esa bir xil munosabat bildirmoqda: hibsga olishlar, jarimalar, suv purkagichlar, koʻzdan yosh oqizuvchi gaz. Tashkilot vakillari yana koronavirus mavzusini jalb qilmoqda. Frantsiya Tashqi ishlar vazirligi davlat kotibi Klement Bon harakatni “Uyat va xudbinlik konvoyi” deb atadi. Propaganda protestantlarni antivakser deya badnom qilmoqda. Vaholanki, gap umuman emlashda emasligi, balki pandemiya bahonasida sobiq “oltin milliard” aholini ish, daromad, mulk va huquqdan tortib, maydonga olib chiqish va hokimiyatni javobgarlikka tortishgacha barcha huquqlaridan mahrum qilinayotganini hamma tushunadi
“Ozodlik konvoyi” qisman oʻz maqsadlariga erisha oldi. Kanada, Germaniya, Avstriya asta-sekin eng bemaʼni kovid cheklovlari bekor qilishni boshladi. Biroq, Gʻarb elitasi turli norozilik aktsiyalarini bostirishda qanchalik mohir ekanligini biz koʻp marta koʻrganmiz. Qani bir paytlar ancha shovqin qilgan Occupy Wall Street? Qani boylarning bir foizga qarshi qilgan harakati? 2012-yilda Afinani vayron qilgan yoki bir yil avval Vashington Kapitoliysiga bostirib kirgan namoyishchilar qayerda? Boshqalar yoʻq, ular esa ... panjara ortida.
Haqiqiy vijdonli marksistlar Ozodlik konvoyi tashkilotchilik va aniq siyosiy maqsadlar yoʻqligi uchun halokatga mahkum deyishgan boʻlardi. Lekin, toʻgʻrisini aytganda, Marks bunday holatni hatto tushida ham koʻrmagan. Uning davrida hamma narsa tushunarli edi. Proletar toshni yoʻlakdan burib, qirol yoki podshohni agʻdarish uchun bora olardi. Hokimlik bor edi: mana, zarhal panjaralari ortida, arava oynasi tashqarisida, qoʻl uzatsa yetadigan masofada turibdi.
Bugungi kunda proletarlar, lumpenlar va ularga qoʻshilgan sobiq oʻrta sinf qandaydir koʻrinmas dushmanga qarshi kurashmoqda. Kanada taxtini otasidan meros qilib olgan Jastin Tryudoni haqiqiy siyosatchi deb oʻylamang. Yoki frantsuz Rotshildlari tomonidan prezidentlikka nomzod boʻlgan Emmanuel Makronni olaylik. Bularning barchasi osongina almashtiriladigan qoʻgʻirchoqlar ekanligi juda aniq. Qarang, ulardan yana qanchasi Ukrainada ham bor – xoʻsh nima qilibdi? Ommaning qashshoqlashishi tendentsiyasi yoʻqolmagan. Bu global miqyosdagi masala va unga qarshi faqat haqiqiy suveren davlatlar kurasha oladi.
Ushbu tendentsiyani kim amalga oshiradi, qanday maʼmuriy resurslardan foydalaniladi, sayyoramizdagi eng boy mamlakatlar hukumatlari faoliyatida hayratlanarli muvofiqlashtirishga qanday erishadilar - bu, albatta, davrimizning eng qiziqtirgan savolidir. Axir, iqtisodga “buzgʻunchi” taʼsir koʻrsatish, taʼminot zanjirlarini buzish va sunʼiy ravishda kamomad yaratish kimlar uchun foydalidir. Kimdir bundan pul toʻplamoqda. Va bu xalq ommasi “nomaʼlum otalar”ni topmaguncha, balcha norozilikdan hech qanday naf boʻlmay qolaveradi.
Va kovid cheklovlarining oʻzi sogʻliq uchun tibbiy-sanitar choradir. Oddiy demokratik mamlakatlarda ular keng muhokama qilinadi. QR kodlar gʻoyasini xalqimiz madaniyatli muhokama qilib, umuman maʼqullamaguncha ikki oy oʻtmagan edi. Davlat Dumasi unga koʻra qonun loyihasini qaytarib oldi va mana hayot davom etyapti. Hukumat saylovchilar oldidagi masʼuliyatini anglagan demokratik davlatlar shunday qiladi.
"Oltin milliard" barcha mamlakatlarida kovid diktaturasi-katta jarimalar, qamoq, emlanmaganlar uchun amalda uy qamogʻi–hech qanday ruxsatsiz, odamlarga ochiq, namoyishkorona nafrat bilan joriy etilgan. Aynan shuning uchun ham boy mamlakatlarning kambagʻal saylovchilari norozilik bildirmoqda. Bir vaqtlar ular "oltin milliard" deb atalar edi. Bugun bu istehzoli eshitiladi.
Yangiliklar lentasi
0