Rossiya

DXR va LXRni tan olish toʻgʻrisidagi qaror bugun qabul qilinadi - Putin

© Sputnik / Aleksey Nikolskiy / Fotobankka oʻtishPrezident RF Vladimir Putin
Prezident RF Vladimir Putin - Sputnik Oʻzbekiston, 1920, 21.02.2022
Obuna boʻlish
Yandex newsTelegram
Rossiya jahon hamjamiyati uchun Ukrainadan koʻra kattaroq tartibni anglatadi - Medvedev.
TOSHKENT, 21 fev - Sputnik. DXR va LXRni tan olish toʻgʻrisidagi qaror bugun qabul qilinadi, dedi Rossiya prezidenti Vladimir Putin Xavfsizlik kengashi majlisi yakunida.
Shuningdek Rossiya prezidenti Xavfsizlik Kengashi aʼzolaridan ushbu borada oʻz fikrlarini bildirishni soʻradi.
Lavrov: Gʻarb tomonidan Hozirgi Kiyevning neonatsist va bandera rejimini qoʻllab quvvatlash - bu ham genotsid. Ukrainada slavyan, pravoslav va ruslarga oid hamma narsaga hujumlar uyushtirilmoqda. Ukraina hukumati birin ketin rus tilini taʼqiqlovchi, Konstitutsiyaga zid qonunlar qabul qilmoqda.
"Men umid qilamanki, ularni tan olish bilan biz butun rus dunyosiga juda kuchli signal yoʻllaymiz. Biz sakkiz yildan buyon vatandoshlarimiz, fuqarolarimiz ustidan mazax qilishganinig guvohi boʻldik", - dedi Lavrov.
Kozak: “Ukraina hech qachon Minsk kelishuvlarini bajarmaydi. Hech kim LDNR bilan bevosita muzokaralar olib bormaydi. Ukraina takliflari huquqiy kretinizmdir.
Shoygu: -Ukraina Lugansk va Donetsk viloyatlari chegaralarida texnikani jamlaydi.
- Ukrainaning yadroviy maqomini qaytarish haqidagi bayonotlar - shantaj. Mamlakatning bunday qurollarni yaratish imkoniyatlari Eronga qaraganda ancha koʻp.
Medvedev: “Donbass Ukrainaga kerak emas. 2008 yilda Abxaziya va Janubiy Osetiyaning tan olinishi koʻplab odamlarning hayotini saqlab qoldi. "Potentsial mojaro koʻlamini biz 2008 yilda duch kelganimiz bilan taqqoslab boʻlmaydi.
- Rossiya jahon hamjamiyati uchun Ukrainadan koʻra kattaroq tartibni anglatadi, - dedi Medvedev.
Eslatib oʻtamiz, bugun Moskva vaqti bilan soat 16:40da Donetsk va Lugansk xalq respublikalari Putindan ularni tan olishni soʻragan edi.
Xususan LXR rahbari Leonid Pasechnik Vladimir Putindan LXRning mustaqilligini tan olishni soʻradi. Uning soʻzlariga koʻra, Kiyev toʻlaqonli hujumga oʻtishni rejalashtirmoqda.
- Respublikani tan olish uning aholisining jonini saqlab qoladi, ustiga ustak aholining 300 ming nafari - Rossiya fuqarolari, - dedi Pasechnik.
Donetsk Xalq Respublikasi rahbari Denis Pushilin ham Vladimir Putindan DXRning mustaqilligini tan olishni soʻradi. Shuningdek, Respublika rahbari Putindan mudofaa sohasida hamkorlik shartnomasi imzolash imkonini ham koʻrib chiqishni soʻradi.
- DXR aholisi oʻzini ruhan rus deb hisoblaydi va ularning asosiy maqsadi - Rossiya bilan integratsiya qilish, - dedi Pushilin.
Maʼlumot uchun, soʻnggi kunlarda Donbassda vaziyat jiddiy keskishlashdi. Ukraina Donbass hududda tinchlik oʻrnatish maqsadida oldin kelishilgan Minsk shartnomalariga zid ravishda, oʻz armiyasining katta qismini tutashuv chiziqlarida toʻplab, muntazam ravishda Lugansk va Donetsk xalq respublikalari hududini oʻqqa tutmoqda, jumladan taʼqiqlangan qurollar bilan ham.
Soʻnggi ikki kun davomida Donbassdan ayollar, bolalar va keksalarni Rossiyaning Rostov viloyatiga evakuatsiya qilish boshlandi. Ayni damga qadar evakuatsiya qilingan aholi soni 61 mingdan oshib ketdi.
DXR va LXRda 18 yoshdan 55 yoshgacha boʻlgan erkaklar uchun umumiy harbiy safarbarlik eʼlon qilindi. Shu sababli ushbu yoshdagi erkaklarning respublikalar hududidan chiqishi taqiqlandi.
AQSH va NATOning boshqa mamlakatlari Ukrainani zamonaviy qurol-aslaha va harbiy instruktorlar bilan taʼminlashda davom etmoqda. Ushbu vaziyatda Moskva Gʻarb davlatlarini bir necha marotaba Ukrainaga qurol-yarogʻ yetkazib berishni bas qilishga chaqirgan, chunki bu Kiyevni turli qaltis harbiy xatti-harakatlarni boshlashi undashi mumkin.
Yangiliklar lentasi
0