Jamiyat

“Yoʻl bezoriligi”ga chek qoʻyiladi - ichki ishlar vaziri

© Sputnik / Dilshoda RaxmatovaGlava MVD Uzbekistana Pulat Babadjanov
Glava MVD Uzbekistana Pulat Babadjanov - Sputnik Oʻzbekiston, 1920, 21.02.2022
Obuna boʻlish
NovostiTelegram
Yil davomida meʼyoridan ortiq qoidabuzarlik qilgan haydovchilar boshqarish huquqidan mahrum qilinadi.
TOSHKENT, 21 fev - Sputnik. “Yoʻl bezoriligi”ga chek qoʻyiladi hamda YPX xodimlariga shaxsiy himoya vositalaridan foydalanish huquqlari kengaytiriladi. Bu haqida Ichki ishlar vaziri, general-leytenant Poʻlat Bobojonov OʻzAga maʼlum qildi.

Yoʻl harakati xavfsizligi bilan bogʻliq qonunchilikning quyidagi bandlari takomillashtiriladi:

Transport vositasini qasddan tartibsiz boshqarish, oʻzboshimchalik bilan harakat qatnashchilarini toʻxtashga majbur qilish orqali xavfni yuzaga keltirganlik ("yoʻl bezoriligi") uchun javobgarlik belgilanadi;
Oʻqitmasdan va oʻrgatmasdan haydovchilik guvohnomasini berish uchun ham jazo choralari koʻzda tutiladi;
Yoʻl-patrul xizmati xodimlarining xizmat faoliyatiga noqonuniy aralashish, toʻsqinlik qilish yoki qarshilik koʻrsatish holati sodir boʻlganda YPX xodimlari shaxsiy himoya va faol mudofaa vositalaridan foydalanishi borasidagi huquqlari kengaytiriladi;
Haydovchi tomonidan 12 oy davomida sodir etilgan qoidabuzarliklar uchun hisoblangan jarima ballarining umumiy miqdori 12 balldan oshsa, u transport vositasini boshqarish huquqidan mahrum qilinadi;
Qoidabuzarlik sodir etmagan haydovchilarga esa bonus ballari hisoblab boriladi;
Xalqaro standartlardan kelib chiqib - yoʻl harakati qoidalarining yangi tahririni ishlab chiqiladi. Unda Toshkent shahri va yirik shaharlardagi markaziy koʻchalarda tezlik cheklovlari qayta koʻrib chiqiladi.
Poʻlat Bobojonov, shuningdek, transport harakatini tashkil etishda sunʼiy intellektga asoslangan "inson omili" taʼsirini cheklovchi raqamli texnologiyalarning joriy etilishi, haydovchilarni oʻqishtish va tayyorlash bazasini yangilash haqida aytib berdi.
Yangiliklar lentasi
0