Rossiya

Rossiya DXR va LXR suverenitetini tan oldi - video

© Sputnik / Aleksey Nikolskiy / Fotobankka oʻtishObraщeniye prezidenta RF V. Putina
Obraщeniye prezidenta RF V. Putina - Sputnik Oʻzbekiston, 1920, 22.02.2022
Obuna boʻlish
Yandex newsTelegram
Bugungi kunda Donbassda vaziyat oʻta xavfli tus olganini qayd etib, Vladimir Putin DXR va LXRni tan olishga qaror qilganini aytdi.
TOSHKENT, 21 fev — Sputnik. Rossiya prezidenti Vladimir Putin Donetsk va Lugansk xalq respublikalarining suverenitetini tan olish toʻgʻrisidagi farmonni imzoladi.
Ushbu muhim hujjatlarni imzolashdan oldin Vladimir Putin bir soat davomida soʻnggi yillar davomida Rossiyaga qarshi olib borilayotgan siyosat, NATOning Sharqiy Yevropadagi aksariyat davlatlarni oʻz ichiga qoʻshib olishi va u yerda hujum qurollari joylashtirishni boshlagani haqida batafsil aytib berdi.
Ukrainani Rossiyaga qarshi hujum uchun platsdarmga aylantirish mavzusida, u yerda rus millatiga mansub aholi har tomonlama siquvga olingani, millatchilik va boshqa noxush holatlar haqida aytib oʻtdi.
Bugungi kunda esa Ukraina hukumatining Donbassga qarshi uchinchi hujumi boshlangani va u yerda vaziyat oʻta xavfli tus olganini qayd etib, Vladimir Putin Donetsk va Lugansk xalq respublikalarini tan olish kerak degan xulosaga kelganini aytdi.
DXR va LXR suverenitetini tan olish bilan bir vaqtda Rossiya Federatsiyasi ushbu ikki respublika bilan xamkorlikn shartnomasi imzoladi. Ushbu shartnomalar gumanitar va mudofaa sohasida hamkorlikni nazarda tutadi.
Hujjatlar imzolanganidan soʻng Putin Kiyevdan zudlik bilan Donbassdagi jangovar harakatlarni bas qilishni talab qildi “Boʻlmasa, ehtimoliy qon toʻkilishining davomi uchun barcha javobgarlik butunligicha va toʻliq Ukraina hududida rahbarlik qilayotgan rejimga yuklanadi”, - dedi Putin.
Donetsk va Luganskda yarim tun boʻlishiga qaramasdan ushbu xushxabar qatta xursandchilik bilan kutib olindi.

Mavzu boʻyicha:

DXR va LXRni tan olish toʻgʻrisidagi qaror bugun qabul qilinadi - Putin
DXR va LXR rahbarlari Putindan ularni tan olishni soʻradi
DXR va LXRda vaziyat keskinlashmoqda. Onlayn reportaj
Yangiliklar lentasi
0