Tadbirkorlarga subsidiya beriladi

© Sputnik / Ramiz BaxtiyarovNatsionalnaya valyuta Uzbekistana — sum
Natsionalnaya valyuta Uzbekistana — sum - Sputnik O‘zbekiston, 1920, 23.02.2022
Obuna bo‘lish
Tomorqa yer egalari bilan kooperatsiya asosida ish tashkil etgan tadbirkorlarga 2026-yil 1-yanvargacha 150 mln so‘mdan ortiq bo‘lmagan subsidiya beriladi.
TOShKENT, 23 fev — Sputnik. Tomorqa yer egalari bilan kooperatsiya asosida ish tashkil etgan tadbirkorlarga subsidiya beriladi. Hukumatning 2022-yil 21-fevraldagi 81-sonli qarori bilan tasdiqlangan nizomda ko‘zda tutilgan.
Nizomga ko‘ra, tomorqa yer egalari bilan kooperatsiya asosida ish tashkil etgan tadbirkorlarga 2026-yil 1-yanvargacha omborxonalarni jihozlash xarajatlarining 30 foizi, biroq 150 mln so‘mdan ortiq bo‘lmagan miqdorda subsidiya beriladi.
Bunda talabgorlar har yili 1-aprelgacha YaIDXP (my.gov.uz) yoki “Agrosubsidiya” AT orqali elektron ariza taqdim etadi.
Arizaga kooperatsiya asosida ish tashkil etilganligini tasdiqlovchi tuman fermerlar kengashi va tuman hokimi yordamchisi tavsiyanomasi ilova qilinadi.
Tuman fermerlar kengashi moliya bo‘limi bilan birga 5 ish kunida ariza va hujjatlarning haqqoniyligini, talabgorlarning moliyaviy holatini joyiga chiqqan holda o‘rganadi.
Har yili 15-aprelgacha talabgorlarning manzilli ro‘yxati shakllantirilib, respublika ishchi guruhiga taqdim qilinadi.
Har yili 20-aprelgacha subsidiya ajratishga ko‘maklashuvchi respublika ishchi guruhi hududlar va tumanlar kesimidagi manzilli ro‘yxatni tahlil qilib, umumlashtiradi.
Subsidiya obyekti xarid qilingandan so‘ng manzilli ro‘yxatga kiritilgan talabgorlar subsidiya olish bo‘yicha arizani zarur hujjatlarni ilova qilgan holda YaIDXP yoki “Agrosubsidiya” AT orqali elektron shaklda yuboradi.
Ariza kelib tushgan kundan boshlab 5 ish kunida talabgorlarning subsidiya obyekti joyiga chiqib o‘rganilib, xulosa rasmiylashtiriladi.
Parranda go‘shti ishlab chiqaruvchilariga qo‘shimcha subsidiya beriladi
Talabgorlarga subsidiya ajratish to‘g‘risidagi xulosalar va ma’lumotlar3 ish kunida respublika ishchi guruhiga taqdim etiladi.
So‘ngra respublika ishchi guruhi 5 ish kunida xulosa va ma’lumotlarni o‘rganib chiqadi. Zaruratga ko‘ra talabgorlarning takliflarini joyiga chiqqan holda o‘rganadi. 3 ish kunida subsidiya ajratish maqsadga muvofiqligi to‘g‘risidagi xulosalarni rasmiylashtiradi.
Tomorqa yer egalariga kredit ajratiladi
Fermer, dehqon xo‘jaliklari va tomorqa yer egalarini qo‘llab-quvvatlash jamg‘armasi xulosa kelib tushgan kundan boshlab 3 ish kunidatalabgorlar bilan shartnoma tuzadi.
Shartnoma imzolangandan 3 ish kunida subsidiya talabgorlarning bankdagi asosiy hisobvaraqlariga “UzASBO” dasturiy majmui orqali o‘tkazib beriladi.
Yangiliklar lentasi
0