Dunyoda

Turkmanistonda prezident lavozimi uchun kurashadiganlar maʼlum boʻldi

© Sputnik / Ramil Sitdikov / Fotobankka oʻtishGoroda mira. Ashxabad
Goroda mira. Ashxabad - Sputnik Oʻzbekiston, 1920, 23.02.2022
Obuna boʻlish
Yandex newsTelegram
Turkmanistonda 12 mart kuni navbatdan tashqari prezident saylovi boʻlib oʻtadi. MSK nomzodlarni roʻyxatga olishni yakunladi.
TOSHKENT, 23 fev — Sputnik. Turkmaniston Markaziy saylov komissiyasi mamlakat prezidentligiga nomzodlarni roʻyxatga olishni yakunladi. Bu haqda Turkmaniston davlat axborot agentligi xabar berdi.
“Turkmaniston davlat jismoniy tarbiya va sport institutining ilmiy ishlar boʻyicha prorektori Xidir Nunnayev va Turkmaniston Demokratik partiyasi Saparmirat Turkmanboshi etrap (tuman)i qoʻmita raisi Maksat Odeshov, shuningdek, fuqarolarning tashabbuskor guruhlari tomonidan ilgari surilgan Turkmaniston prezidentligiga nomzodlar roʻyxatga olindi. Nomzodlarni roʻyxatga olish yakunlandi”, - deyilgan xabarda.
Turkmanistonda prezidentlikka nomzodlar siyosiy partiyalardan, shuningdek, viloyatlar va Ashxobod shahridan tashabbuskor guruhlar tomonidan ilgari suriladi.
Turkmaniston Demokratik partiyasidan Vazirlar mahkamasi raisi oʻrinbosari lavozimini egallab turgan Serdar Berdimuhamedov nomzod boʻlgan. Agrar partiyasi Mari viloyati rahbari oʻrinbosari Agajan Bekmirodov nomzodini koʻrsatgan. Sanoatchilar va tadbirkorlar partiyasi “Wepaly gurlusyk” iqtisodiy jamiyati direktori Babamirat Meredov nomzodini ilgari surgan.
Eslatib oʻtamiz, Turkmanistonda 12 mart kuni navbatdan tashqari prezident saylovi boʻlib oʻtadi. Qonunchilikka koʻra, Turkmanistonda tugʻilgan, 40 yoshdan kichik boʻlmagan, davlat tilini yaxshi biladigan, bevosita saylovgacha kamida 15 yil Turkmaniston hududida muqim yashayotgan mamlakat fuqarosi Turkmaniston prezidenti etib saylanishi mumkin. Turkmaniston prezidenti bevosita xalq tomonidan 7 yilga saylanadi.
Yangiliklar lentasi
0