Rossiya

Rossiyadan 10 ming $dan ortiq boʻlgan xorijiy valyutani olib chiqib ketish taqiqlandi

© Sputnik / Mixail Kutuzov / Fotobankka oʻtishDenejnыe kupyurы: dollarы SSHA
Denejnыe kupyurы: dollarы SSHA - Sputnik Oʻzbekiston, 1920, 02.03.2022
Obuna boʻlish
Yandex newsTelegram
Rossiya prezidenti Vladimir Putin “Rossiya Federatsiyasining moliyaviy barqarorligini taʼminlash boʻyicha qoʻshimcha vaqtinchalik iqtisodiy chora-tadbirlar toʻgʻrisida”gi farmonni imzoladi.
Rossiya prezidenti Vladimir Putin “Rossiya Federatsiyasining moliyaviy barqarorligini taʼminlash boʻyicha qoʻshimcha vaqtinchalik iqtisodiy chora-tadbirlar toʻgʻrisida”gi farmonni imzoladi.
Bugundan, 2 mart sanasidan boshlab Rossiyadan 10 ming $dan ortiq boʻlgan xorijiy valyutani olib chiqib ketish taqiqlandi.
Bundan tashqari, prezident rezidentlar uchun rubl kreditlari berish, Rossiyaga qarshi sanktsiyalar joriy etgan davlatlar bilan aloqador boʻlgan xorijiy shaxslarga qimmatli qogʻozlar va koʻchmas mulkni sotish boʻyicha bitimlar tuzish boʻyicha maxsus tartibni tasdiqladi.
Bu chora “roʻyxatdan oʻtgan yoki asosiy tadbirkorlik faoliyatini amalga oshirgan joyidan qatʼi nazar” bu xorijiy shaxslar nazorati ostida boʻlgan shaxslarga ham tegishli.
Bu operatsiyalarni amalga oshirish uchun xorijiy investitsiyalar boʻyicha hukumat komissiyasidan ruxsat olish zarur hamda koʻchmas mulk va qimmatli qogʻozlar boʻyicha bitimlar Moliya vazirligi bilan kelishilgan holda Markaziy bank ruxsatnomasi asosida tashkil etilgan kim oshdi savdolarida tuzilishi mumkin.
Shuningdek, hukumat komissiyasi 28 fevraldagi qaror bilan toʻliq taqiqlangan operatsiyalar: norezidentlarga xorijiy valyutada kreditlar berish va ularning xorijdagi hisob raqamlariga valyuta oʻtkazish boʻyicha ruxsatnomalar berishi mumkin boʻladi.
Yangiliklar lentasi
0