Jamiyat

Salbiy ijtimoiy-iqtisodiy oqibatlarni yumshatish: Mirziyoyev hukumatga topshiriqlar berdi

© Press-slujba prezidenta RTKabinet ministrov Uzbekistana
Kabinet ministrov Uzbekistana - Sputnik Oʻzbekiston, 1920, 02.03.2022
Obuna boʻlish
Yandex newsTelegram
Mirziyoyev Vazirlar mahkamasiga bir qator topshiriqlar berdi.
TOSHKENT, 8 mar — Sputnik. Davlat rahbari Vazirlar Mahkamasiga Oʻzbekistonning asosiy savdo hamkorlari boʻlgan ayrim mamlakatlarda yuzaga kelayotgan vaziyatni hisobga olgan holda, vujudga kelishi mumkin boʻlgan barcha salbiy ijtimoiy-iqtisodiy oqibatlarni yumshatish boʻyicha respublikaning har bir tarmogʻi va hududi kesimida aniq chora-tadbirlarning batafsil Rejasini ishlab chiqishga topshiriq berdi. Bu haqda prezident matbuot kotibi xabar qildi.
Moliya tizimining barqarorligi, korxonalarning uzluksiz ishlashi va rejalashtirilgan investitsiya loyihalari oʻz vaqtida amalga oshirilishini taʼminlash vazifalariga alohida eʼtibor qaratildi.
Tarmoq va hududlar rahbarlari oldiga transport-logistika tarmogʻining ishonchli faoliyatini taʼminlash boʻyicha qoʻshimcha chora-tadbirlar koʻrish, bunda eksport geografiyasi yanada diversifikatsiya qilinishini ham hisobga olish vazifasi qoʻyildi.
Viloyatlar hokimlariga aholini ijtimoiy himoya qilish ishlarini kuchaytirish, yangi ish oʻrinlari yaratish va ishsiz aholi bandligini taʼminlashni jadallashtirish, shuningdek, inflyatsiya darajasini doimiy monitoring qilish va isteʼmol bozorida narxlarning keskin tebranishlariga yoʻl qoʻymaslik boʻyicha avvaldan chora koʻrish zarurligi alohida koʻrsatib oʻtildi.
Yangiliklar lentasi
0